Gagauziyada «GERMEK OYUNU» 2-ci Halklararası oyun festivali geçti, adalı anılmış baletmeystera Germek K. A. Yortulu olayda pay aldı 300-dän zeedä Moldovanın oyuncusu.
Moldovanın professional halk oyun kollektivleri barabar oyuncularlan bir sţenada 2-ci Halklararası oyun festivalindä gagauz,bulgar,moldovan oyunnarını gösterdilär. Festivalin kurucusu kultura bakanıı.
MARİNA SEMÖNOVA Gagauziya kultura bakanı
«Bu festival adalı adama,angısı braktı derin iz gagauz halkın kulturasına.Kendim kısmetliim, ani oldu kolayım çalışım onunnan.O braktı kendi fikirlerini ,talantını,oyunnarını bizä deyni».
Konstantin Germek -örnek üürencilerinä,angıları onun üüsek uurda çalışmalarını ilerlederlär. Gagauziyanın may herbir küüyündä uşak yaradıcılık kolektivleri çalışȇrlar, söleer Gagauziya kultura bakanı MARİNA SEMÖNOVA.
Çoyu bu gün festivalin sţenasında .
«Bakın,nasıl evlat boyu ilerleder halk oyunnarını.İildip başımı isteerim herbir önderciyi şükür edim,ani pay aldınız bu gözäl festivaldä.Umutlanȇrım, ani geçecek yıllar,da bu festifal yaşayacek».
Festival verdi kolaylık siiredicilerä hem pay alannara, halk oyunnarda doludan görmää Moldovada yaşayan insannarın şıralı adetlerini, kulturasını.
MARİNA SEMÖNOVA Gagauziya kultura bakanı
«Bütün ürektän bän isteerim onun adı yaşasın diveç. Evlat boyları da üürensin, genişletsin hem göstersin dünneyä, nesoy renkli Germek oyunnarı».
«GERMEK OYUNU» 2-ci Halklararası oyun festivalindä 300- dän zeedä Moldovanın oyuncuları pay aldılar. Kurucular inanȇrlar, ani festival,angısı adalı anılmış baletmeysterın Germek K. A. adına -halk adetlerimizi hem kulturamızı koruyacek hem çok yıllar yaşayacek.