Büün, aprilin 27-dä, Gagauz Yerindä “Gagauz dilindä genel diktantı” akţiyası geçti. Bu akţiyaya: Komratta, Çadırda, Valkaneştä, Kıpçakta hem Kongazda 600-dän zeedä pay alan katıldı. Nicä bu akţiya Komratta geçti, gösterecez hem annadacȇz sıradakı süjetimizdä.
«Gagauz dilindä genel diktantı» akţiyasına katılannarın sayısında: üürenicilär, üüredicilär, Bakannık komiteti, GHT azaları, studentlär, sıradan yaşayannar. Hepsini onnarı Gagauz Eri Bakannık komiteti başı ilk yardımcısı İ.Uzun karşıladı: «Ana dilimizi bilelim hem sayalım lääzım».
Katılannar söledilär, ani bu akţiyaya katılarak ana dillerinä saygılarını göstererlär.
«Büük havezlän katılȇrım».
«Artık üçüncülää bu diktantı yazacam».
«Gagauzça aylämnän lafederim hem okulda üüredicim pek islää».
Yıl yıldan katılannarın sayısı zeedelener. 2024-cü yılda Genel diktantı 350 kişi yazdı. Bıldır 500-dän zeedä. Bu yıl sa — 600-dän zeedä. Bu akţiyayı Gagauziyanın Üüretim bakannıı kurȇr hem geçirer artık 9 yıl sıradan.