Büün, sentäbrini 23- dä, Komratta geçti ilk oturuş, angısı baalı gelän «GAGAUZ ŞARAP YORTUSU-2026» geçirilmesinnän.
İlk oturuşun süresindä pay alannar baktılar soruşları, angıları baalı gelän şarap yortusunnan, hep ölä hazırlamanın baş bölümnerini açıkladılar.
İLYA UZUN «GAGAUZ ŞARAP YORTUSU-2026» şarap yortusu geçirilmesi komitetin öndercisi
«Hepsi gider kurallara görä. Herbiri biler kendi işini. Bän sayȇrım, ani bizdä büük diişmeklär yok. Biz sizinnän taa bir sıra, yada taa iki sıra toplanacez. Bän sayȇrım, ani hepsi islä».
Toplantıda pay aldılar Bakannık komitetin azaları, erli kuvetlerin temsilcileri hem da «GAGAUZ ŞARAP YORTUSU-2026» hazırlanmasında hem geçirilmesindä cevap edennär .
SERGEY İBRİŞİM Gagauziya agrar kompleksin öndercisi
«Programma hazırlanȇr barabar Gagauziya kultura bakanıınnan.Yortu olacek pek geniştän. Bu milli kolorit. Biz lääzım temsiledelim Gagauziyayı bütünnä onun gözellinnnän. İsteerim sölemää, ani bu yıl çiftçilär için hem da hepsi yaşayannar için yaamur tarafından hem da malların paasın tarafından».
«GAGAUZ ŞARAP YORTUSU»her yıl toplȇȇr şarapçıları, erli kuvetlerin temsilcilerini, kultura uurunda kurumnarı hem da avtonomiyanın yaşayannarını.
SERGEY İBRİŞİM Gagauziya agrar kompleksin öndercisi
«Teklif ederiz Gagauziya yaşayannarını, hem bizim komuşuları- Kantemir, Bessarabka, Kagul, Tarakliya rayonnarından, hep ölä Moldova devletin hepsi yaşayannarını yortuya, angısı geçecek 2026 — ci yılın kasım ayın 7 — dä — bizim milli yortumuza».
Adetä görä, eni şarap yortusu geçiriler Gagauziyanın baş kasabasında — Komratta, kasım ayın 7 — dä.