Gagauziya Radio Televizion kompaniyası Türkiyeden çekim komandasına «Türkistandan Rumeliya» programasını yardım etti çıkarmaa. Kolverim türk halklarınkultura varlıını açıklayacek.
Eni kolverim halizdän da adȇȇr şıralı hem doluşuklu olmaa: Gagauziyanın baş kasabasına – Komrada hem Beşalma küüyünä özel dikkatlık verildi. Türkiye Radio Televizionun kompaniyasının televideniye produseri hem rejisöru Murat Özer belli etti, ani komanda bereketli kolverimi çekti, neredä erindeki muzıkacılar, yaradıcı kolektivlär hem yaşayannar pay alannar oldular. Bu o käämil kolaylık Gagauziyanın unikal kulturasınnan, tradiţiyalarınnan hem zamandaş ilerlemesinnän tanışmaa.
«Gagauziyanın meraklı yaşayannarınnan hem talantlı muzıkacılarınnan iki kolverim çıkardık. Bu afta biz Moldovanın en käämil erlerin birisindä — Komratta bulunduk. Umutlanȇrız, ani tezdä teklif edecez käämil kolverimneri»,- nışannadı TRT prodüseri, rejisöru Murat Özer
«Kadınca» türkü hem oyun ansambisinä, «Sedef» folklor kolektivinä hem GRT kompaniyasına Murat Özer aktiv çekimnerin geçirmesi için özel şükürlemekleri adladı. Tezdä siiredicilär «Türkistandan Rumeliya» programasını TRT Müzik hem TRT Avaz yayınnarında siiredäbileceklär. Bu o käämil kolaylık million siiredicilär kendilerinä deyni Gagauziyanın ruhunu duysunnar hem tradiţiyalarını, muzıkasını görsünnär.