Gagauziyanın Bakannık komiteti 2026 yılın kapital investiţiyalarını paylaştırdı. Bu yılın kapital koymakların para sayısı 20 mln. ley kurdu.
Kabledilmiş karara görä, bu sayısının yarısı -10 mln ley, doorulu avtonomiyanın yaşamak punktlarında proektlerin geliştirmesinä. Finansların paylaştırması geçti alarak esaba kapital koymaklar için erindeki kanonu. 10 küü için, insan sayısınnan taa az 2 bin kişidän, te ölä nicä Kırbalı, Rus Kiseliya, Ferapontievka, koyulu fiksir pay 200 bin ley herbir küü için. İnvestiţiyaların taa büük payı avtonomiyanın kasabaları için belli hem en büük küülär için nicä Kongaz hem Kıpçak. Angı yaşamak punkta nesoy sayılar paylaştırıldılar, Bakannık komitetin oturuşunda açıkladı İnfrastruktura hem Düzücülük bakannıın başın işini götürän Sergey Bolgar.
Sergey Bolgar İnfrastruktura hem Düzücülük bakannıın başın işini götürän: «Kırbaalı küüyü – 200 000 ley, Rus Kiseliya – 200 000 ley, Ferapontievka – 200 000 ley, Kotovskoe – 200 000 ley, Caltay – 200 000 ley, Bucak – 200 000 ley, Kiriet küüyü – 200 000 ley, Svetlıy – 200 000 ley, Kongazçik – 200 000 ley, Beşgöz – 200 000 ley,Tüülü küüyü– 240 770 ley, Çok-Maydan – 254 890 ley, Avdarma – 282 090 ley, Beşalma – 284 520 ley, Aydar küüyü– 293 780 ley, Tomay – 315 240 ley, Çeşmä küüyü– 316 600 ley, Dezgincä– 373 170 ley, Baurçi – 410 670 ley, Kirsova – 396 510 ley, Kazayak – 423 670 ley, Kıpçak – 521 330 ley, Kongaz – 638 110 ley, Valkaneş – 800 480 ley, Çadır – 937 010 ley, Komrat– 1 254 160 ley».
Hep bu oturuşta Bakannık komitetin azalları kablettilär kararı geçirmää Komrattakı istoriya muzeyinä kapital remont için dokumentaţiyayı.
Sergey Bolgar İnfrastruktura hem Düzücülük bakannıın başın işini götürän: «Bakannık komiteti kararlȇȇr: İnfrastruktura hem Düzücülük bakannıından Komrat regional — istoriya muzeyinä dokumentleri, angıları belli ederlär harçları yapılmış işlär için bütün sayıya 863 149,30 ley.İnfrastuktura Bakannıına kurmaa komisiyayı hem geçirmää dokumentleri alarak esaba kanonu».
Bakannık komitetlän kabledilmiş kararlar yakın zamanda doorulacȇklar Gagauziya Halk Topluşuna bakmak için.