Aydar küüyundä geçti akţiya  Gagauziyann başkanı Evgeniyayı Guţul desteklemää deyni.

Aydar küüyundä yakın 60 aktiv yaşayan toplandılar, tutturmaa deyni başkanı Guţul Evgeniyayı . Bu insannar teklif edärdilär kendi küüylülerinä Gagauziyanın öndercisinä sıcak laflarını  yazsınnar. İnsannar paylaşardılar kendi fikirlerinnän, kahırlarınnan hem umutlarınnan – ama taa çok, ki taa tez kolverilsin Evgeniya Guţul ev arestindän.

«Hepsi umutlanȇr, ani onu kolvereceklär, da olsun ölä niceydi».

«Çok yaptı bizim için. Pek çok! Yolları da yaptı, ne adadı –aslıya çıkardı. Çok köstek ona vardı, ama hep okadar yaptı. Yapacek taa da . Lääzım serbestlii versinnär».

«Hepsini sade korkuttular, insan tokatları korkȇr açmaa. Ederiz-açȇrlar.  Gireriz –onnar kayıl. Benim bölümümdä kaç ev var, biri da diil karşı, hepsi 26 kişi kayıl, da şükür ederlär onun için, ne o yaptı. Şükürlük ona.Sade ii laflar».

«Biz ayırdık onu da bizdä hak var. Ama kimäsä diilsä uygun, bu siil dooru».

Aydar küüyün yaşayannarı umutlanȇrlar, ani onnarın sesleri işidileceklär. Guţul Evgeniyaya  adalı akţiyalar geçerlär avtonomiyanın hepsi yaşamak punktlarında. Guţul Evgeniyayı  kabaatlı bulȇrlar kanona karşı  politika finanslamasında. Guţul kendi kabaatını belli etmeer. Davaa kararına görä o bulunȇr ev aresti altında.