Komratta Gagauziya dolay bibliotekada yortulu olay geçti, angısı 80-ci yıldönümünä adalıydı. Bu gündä bibliotekada toplandı işçilär, kuvetlär hem kultura temsilcileri, okuyucular hem musaafirlär.  Olayın pay alannarı bibliotekanın istoriyasını aklına getirttilär, kultura hem bilim kiyatlara yapılan işleri hem biblitekan ilerlemesi için lafettilär. Temayı ilerleder süjet. 


80 yılın içindä  Gagauziya dolay  bibliotekası  yaşayannara deyni  kultura  hem bilim eri oldu . O birleştirdi hepsini büük yaşta insannarı da, gençleri dä, koruyup kultura varlıımızı. Bu yılların süresindä o küçücük bir bibliotekadan büük dolay merkezinä çevrildi. Büün burada buluşmaklar, seminarlar, treninglar yapêrlar,  açıkladı dolay bibliotekanın başı Marina Nedälkova.

MARİNA NEDÄLKOVA   Gagauziya dolay bibliotekanın başı

«Bizä deyni bu pek önemni gün büün, neçinki 80 yıl – o halizdän çok yıl. Bu vakıdadan bizim bibliotekamız ilktän küçüktü, ama şindi dolay bibliotekası sayılȇr. Burayı binnän insan geler , angıları kiyatları okuyȇrlar , binnän yortulu olay , angıları bu günä getirdilär . Biz çok mutluyuz, ani büün bizdä var bölä kolaylık –çaarmaa hepsi dostları, kollegaları, yaşayannarı bu olaya».

Gagauziya Bakannık komitetin temsilcileri çizgeledilär biblioteka izmetçilerin lääzımnıını hem işini , ki kultura varlıını korumaa, açıkladı Bakannık komiteti başın ilk yardımcısı İlya Uzun.

İLYA UZUN Bakannık komiteti başı ilk yardımcısı

«Siz diil sade bizim inteligenţiyamızsınız, siz insannar , angılarda en çok informaţiya büün geçer. Onuştan saa ol isteerim sölemää, ani siz varsınız hem işinizinnän ilerledersiniz  bizim kulturayı hem gramotayı yaşayannara deyni».

Gagauz literatura fondu git-gidä eni kiyatlarlan doluşȇr, angıların arasında uşak literaturası da var. Bibliotekanın önemniini için avtonomiyada Gagauziya kultura bakanı Marina  Semönova da çizgeledi.


MARİNA   SEMÖNOVA  Gagauziya kultura bakanı
«Biz sizinlän şindi bulunȇrız bu bibliotekada, angısına var nicä bir şüpesiz sölemää ani biblioteka ayırı bir dünnä. Neçin ani burayı insan geldiynän o bir başka dünneyä sansın daalêr, bir büülü istoriyaya daalêr, bir bilim annatmasına. Açan alêr insan elinä kiyadı, o başka bir dünneyä daalêr, bir gözäl bekim bir istoriya. İnsanın fikiri kalêr barabar kiyatlan ölä deyecez. Biblioteka 80 yılda geçirdi olmalı türlü işlär. Ama biz bileriz, ani büün onnarın var işçileri. İşleerlär onnar bütün üreklän. Sade sevän bu işi insan var nica çalışsın bibliotekada. Kimdä yok sevgisi kiyada, o hiç burda çalışmaz bir da gün. Onun için bän isteerim onnara hepsiciinä dilemää saalık. Gelsinnär bu bibliotekaya küçüklär dä, büüklär dä, ihtärlar da, gençlär dä.».

Bibliotekada yapılan olaylar hem kolaylık onun içindä kiyatları okumaa  yardım eder yaşayannarın meraklıını tutturmaa enilää hem kulturamıza, açıkladılar biblioteka izmetçileri.

VERA SİBOVA biblioteka izmetçisi 

«Büün biz kutlȇȇrız  bibliotekamızın 80-ci yıldönümünü. Dalgalanȇrız, zerem bu büük bir olay. 80 yıl onun adı var. Yıllar boyunca bizim bibliotekamız diişildi. 2007- ci yılda biz geçtik burayı , bu yapya. Burada çok er var, taa uygun».

NADEJDA TOPAL biblioteka izmetçisi   

«Büünkü gün biblioteka – o diil sade er , neredä kiyatlar var. Biblioteka – nicä bir insan gibi, angısında karşı geler şindiki zamanımız hem geleceemiz. O zamandaş vakıtlan barabar adımnȇȇr, neredä çok türlü olaylar , treninglar, seminarlar geçer bizim peetlärlän, yazıcılarlan hem yaşayannarlan».

Büün dolay bibliotekanın fonduna girer 53 bin kiyattan zeedä. Onnarın arasında 3700 kiyat devlet dilindä hem 5000 kiyat gagauz dilindä. Kiyatların sayısı hep zeedelener büünkü günädän.