Eni yıl yortularına hem Gagauziyaya (Gagauz Yeri) özel statusunu vermäk gününä karşı P.Draganov adına regional bibliotekasında gagauz kultarasının ilerlemesinä oluş baaşlanıldı. Onda ustalar, kultura uurunda uzmannar, liţey üürenicileri, millet incäzanaatını sevenneri pay aldılşar.
Ȇtnografiya sergisi P.Draganov adına regional bibliotekasında evelki gagauz zanaatları işlerinnän tamannandı. Panoları hazırladı hem bibliotekaya baaşladı usta Komrattan Mariya Arnaut: «İlk pano benim anama adalı. İkincisi sargıdan yapılı. Üçüncüsü küçük kilim».
Bibliotekanın uzmanı Evgeniya Lülenova çizgileer, ani kurumda «Gagauzluun ömür köprüsü» sergi — gagauz köşesinin ilelemesi oldu.
«Bibliotekamızda seftä sergi erleştirili. Sergi, angısı gagauz kulturasınını ilerlemesinä, gagauzların el işlerinä hem ustacılıına adalı. Hep ölä bizdä kiyat sergisi hazırlı»,- Evgeniya Lülenova çizgileer.
Halk ustacılıını sevennär, musaafirlär Arnaut Mariyanın yakın insannarı yapılı işlerin paalılıını açıkladılar.
«Hepsini bunnarı bizin analarımız-bobabalarımız, malilerimiz yapardılar. Uşaklıımıza beni geçirdiniz».
«Burada Gagauziyamızın zenginnii erleştirili – bunnarı hepsi lääzım korumaa. İdeyalarınıza, çalışmanıza saygı duyȇrım».
«Mariya herzaman aktiv hem bizim duuma erimizin – Gagauziyanın patriotu».
Yortulu oluşun pay alannarı G.Gaydarcı adına liţeyin 6-cı klasın üürenicileri gagauz dilindä türkü çaldılar. Peetçi hem Kirsovo küüyündä «Ana-boba evi» muzeyin öndercisi Galina Sirkeli Arnaut Mariyaya şiirini okudu. Oluşun kurucuları belli ettilär, ani butakım çalışmalar millet kulturasını ilerlederlär hem baalantıyı avlad boyaların araralarında kurȇrlar.