Erindeki dolay hem muniţipal yolların düzülmesinä 2026-cı yılda finaslamak proekti Bakannık komitetin oturuşunda bakıldı. S.Dimitroglo temayı ilerleder.
Erindeki dolay hem muniţipal transport yolların düzülmesinä 2026-cı yıla finanslamak postanovlenie programasını Düzücülük hem infrastruktura Bakannıın başı Sergey Bolgar açıkladı. Onun laflarına görä, yol fondun finanslaması yakın 30 mln. 500 bin ley kurȇr.
«Yakın 10 mln. leyä çıkȇr şindiki yolları tutturmak. Dolay yollarını kış vakıdında tutturmak için 1 mln. 771 bin ley. İşlär, ne baalı yollarda korkunçsuzliklan hem zamannan tutturmak için — 3 mln. leydän zeedä kararlı»,- Sergey Bolgar açıkladı.
Derindän remont işleri yollarda yapmak için 15 mln. ley neetli.
«Yola, angısı Çok-Maydan küüyünä götürer– 4 mln. ley, Коngaza hem Ruskaya Kiseliyaya– 5 mln. ley, Kazayak küüyünä yaklaştıran yola — 5 mln. ley, Каrboliyaya– 1 mln. ley»,- Sergey Bolgar açıkladı.
İlya Uzun Bakannık komiteti başı ilk yardımcısı: «L-620, R23 yolu, ani Çok-Maydan küüyünä götürer hem Karboliyada yolun bir payı?».
Sergey Bolgar Gagauziyanın düzücülük hem infrastruktura bakannıın başı: «Karboliyada 201 m region yolundan yapılmadık kaldı ».
Sayı proektinä hem laboratoriya aaraştırmak koşullarına 810 bin ley kararlı. Yolları düzmäk finanslaması MD büdjetindän yapılacek. Kabledili karar GHT doorudulacek.