Beşalma küüyündä Eni yıl marafonu geçti. Onda Komrat dolayı artistleri hem incäzanaat kolektivleri pay aldılar.  Yortuyu Komarat dolayı administraţiyası destäänn yardımınnan geçirdilär.

Eni yıl marafonu sıcak, sevinçli hem birlik atmosferasında geçti. Diil sade beşalmalılara deyni, amma bütün dolayın yaşayannarına deyni o gözäl bir baaşış gibi oldu, nışannadı Komrat dolayı administraţiya başı Vadim Çeban.  Yortuya Komrat dolayı küüylerindän 15 incazanaat kolektivi katıldılar.

«Biz ayırdık beşalma küüyünü, çünkü burada yaşȇȇrlar çok gözäl insannar. Burayı büün 15 kollektiv geldi Komrat dolayından. Komrat dolayın bakannıı isteer, ani bu festival her yıl geçsin. Ko olsun gözäl bir adet gibi gelecektä. İsteerim dilemää hepsinä yugunnuk, kısmet, evlerindä herzaman vaarlık olsun , sofralar dolu olsun»,- Vadim Çeban nışannadı.

Beşalma küüyü primarı Valeriy Moş hem HTD Grigoriy Dülger nışannadılar, ani bölä yortular birleştirerlär yaşayannarı.

«Bizim dolay administraţiyamız teklif etti bizä bu festivali Beşalmada geçirmää. Biz da onnara destek bu uurda verdik. İsteerim hepsini kutlamaa Eni yıl hem Kolada yortularınınnan. Ko hepsi kötü yıllar kalsınnar geçän yılda, en ii, en islä neetlär dä gelän yılda olsunnar»,- Valeriy Moş nışannadı.

«Saa olsun Komrat dolay administraţiyasını, ani geçirerlär bu festivali bizdä. Hepsi yaşayannarı Eni yıllan kutlȇȇrım»,- Grigoriy Dülger nışannadı.

Eni yıl festivali birkaç yıl sıravardı geçiriler. Kongaz küüyü incazanaat kolektivleri onda dayma pay alȇrlar. Küüyün primarı Mihail Esir nışannadı, ani bölä festivalleri herbir küüydä geçirmää lääzım.

«Bu festivali herbir küüydä geçirmää lääzım. Ki hepsi bu gözellii görsün. İsterim adama hepsinä saalık hem annaşmak»,- Mihail Esir nışannadı.

Pay alannar sţenay çıktılar türkülerininnän, oyunnarlan, eni yıl kutlmaklarınınnan . 

Sţenadan öttülär Kolada kutlamakları da. Festivali hazırlayannar nışannadılar, ani o diil sade kultura olayı gibi geçirilsin, ama  gagauz adetlerini korutması hem ilerletmesi eri gibi oldu. Bu yaşamak punktleri arası  dostluk baalantılarını kaaviletmää .