MD parlamenti ikinci okumakta eni kanon mass-media için kabletti. Dokumentä kurallar hepsi mass-mediya işlär için yazılı. Hep orayı girer onlayn-mass-mediyaların çalışması da. Eni kanona görä , ayırı dikkatlık redakţiyaların finanslamasına, açık işinä hem serbestliinä veriler. Taa deerindän kanonun eni kuralları için süjetımızda üürenecez.
Eni mass-media kanonu 1994-cü yıldan kalma Pressa kanonunu diiştirecek hem onun çıkmasından altı aydan sora kuvedä girecek. Kanonun en önemni enilii — mass-mediaların işin açıklıı hem finanslaması. Onu götürecek Kultura Ministerlii. Redakţiyalar kendi başlar, finanslama için bilgileri açık göstersinnär lääzım olaceklar he informaţiyayı eniletmää , olarsa nesoysa diişilmeklär. Bu koşullar onlayn mass-mediyalara da geliştirilerär. Onnar da hep cuvapçı haberlerin açık hem dooru verilmesindä olaceklar , açıkladı MD Parlament deputatı Liliana Nikolaesku-Onofrey .
LİLİANA NİKOLAESKU-ONOFREY MD Parlament deputatı
«Açan laf gider te o jurnalistlär için , angıları insanı onlayn haberleerlär , ozaman kanona görä onnar cuvapçı olȇrlar te o informaţiya için , angısını ilerlederlär hem çıkarȇrlar».
Eni kurallar diil sade cümnä kompaniyaların jurnalistlerinä deyni, ama onlayn mass-mediaların çalışannarına deyni da geliştiriler. Redakţiyalar kendi finanslamasını açık göstereceklär hem verilän kontendın kommentarilerinä da moderaţiya kuralları koymaa. Kanonsuz olan materialları çıkaraceklar. Şüpeli yada tartışmalı materiallar kanona görä vakıdın içindä bakılaceklar.Serbest Mass-media Asоsiaţiyasının başı Pötr Makovey laflarına görä, onlayn mass-medialar için bu eni cuvapçılık kuralları geliştirerlär.
PÖTR MAKOVEY Serbest masmedia asоţiaţıyasının başı
«Eni kurallar onlayn mass-mediya için da geliştirilerlär. Onnar hepsi lääzım açık belli etsinnär redakţiyanın azallarını hem finanslamasını. Bunnar hepsi eni kanonda yazılı, angısı taa çıkmadı, ama MD parlamentinnän kabledildi. Busoy koşullar düzüler , ki bizim devletimiz taa hızlı Evrosoyuza girsin. Bu proekt hem bizim hem Veneţian komissiyasınnan notalandı ».
Bu üzerä, eni kanon mass-media için kuralları zeedeleder hem jurnalistlerin haklarını bildirer. Kultura Ministerlii mass-mediaların işi hem finanslaması için bilgileri kontrol etmäk için olacek. Ama redakţiyaların işinä karışması kanona karşı gitmäk sayılȇr. Kanona görä , jurnalistlär informaţiyanın doorulunu taa atent kontrol etsinnär lääzım olaceklar. Kanon altı aydan sora onun çıkmasından sora kuvedä girecek.