MD-dä ȇnergetika uurunda milli agenstvosu yaşayannara deyni gaz paasını kararladı , angısı oktäbrinin 1-dän 26 ley 14 ban kuracek. Bu karar ȇnergetika uurunda milli agentstvosunnan büün sentäbrinin 28-dä kabledildi. Taa deerindän bunun için süjetımızda.
Gaz paasının enidän bakılmasını «Energocom» kurumu gerçekledi, çizgileyeräk , ani bu baalı Evropa birjalarında gazın paasının kalkmasınnan. Bu beterä gaz paası yok nicä hep ölä diişilmedik kalsın. Sentäbrinin 28 Energetika uurunda Milli Agentstvonun oturuşunda , onun başı Aleksey Taran gaz paasının kalkmasının sebeplerini açıkladı.
ALEKSEY TARAN Energetika milli agentstvosu başı
«Bu durum halkararası panayırlarında gazın satın almasın paası hızlı hem üüsek kalkmasınnan baalı. Biz bu diişilmekleri tariflerdä istä –istemäz diiştirelim lääzım, ki “Moldovagaz” yaşayannara gazın verilmesini durgutmamaa».
Energetika uurunda Milli Agentstvonu açıklamasına görä, gaz paasının diişilmesi gazın paalı satın almasınnan baalı.Bitki sıra , gazın paası sentäbrinin 1 yaşayannara deyni kalktı da kurdu 20 ley 30 ban.
Bu üzerä büün Kişinövda Energetika uurunda Milli Agenstvonun önündä protest mitingı geçti.Burayı gelän vatandaşlar, opoziţiya temsilcileri, eni yısıtmak sezonuna karşı paaları zeedeletmesi kararınnan kayıl olmadıklarını açıkladılar. Akţiyada pay alması için açıkladı “Milli alternativ akıntısı” öndercisi İon Çeban. MD Soţialist partiyanın temsilcileri, “NAŞA Partiya” temsilcileri, “Demokratiya evdä” partiyanın lideri Vasiliy Kostük, Evropa soţial-demokratik partiyası hem “İlerlemäk hem Birleşmäk” partiyanın lideri İon Kiku . MD Parlament deputatı hem Soţialist partiyanın temsilcisi Grigoriy Novak açıkladı, ani olabilmeli variantların biri- gazın eklenän vergi paasının indirilmesi. Onun laflarına görä bu kanon iniţiativasını Parlamenttä registraţiyaya koyuldu.
GRİGORİY NOVAK MD Parlament deputatı, Soţialist partiyası
«Bizdä var 2 proekt , angıları registraţiyayı parlamentä geçtilär. Biri onnardan taa mart ayında registraţiyayı geçti, angısına görä malın paasının eklenän gergisi 20 proţentän 10 kadar insin lääzımdı. Bu sanȇrım islää duyulaceydı yaşayannara deyni ».
Mitinga katılan çoyu insannara deyni gaz paasının kalkması hergünkü harçlarlan hem da kışa hazırıklarlan baalı.
« Bendä 3 buçuk bin ley pensiya. Nekadar taa gaz paası kalkacek — biri bilmeer. Belli ki , imeyä da etmeyecek».
«İnsana zor , zor hepsi zorluklarlan bölä durumdan çıkmaa. Annamȇȇrım neçin bölä paalı ».
«Pek prost. Bilmeerim nicä ödeyecez hepsini, ama ödemää belli ki lääzım olacek, neçinki gazı hergün kullanȇrız».
MD Hükümet öndercisi hem PAS partiyanın deputatı İgor Grosu da ȇkonomik durumunu açıkladı , angısı ȇnergiya paasının üüselmesinnän baalı.
İGOR GROSU MD Parlament başı
«Biz hepsini yapacez, ki bu şoku insansa biraz yımışatmaa. Hükümet kış vakıdında kompensaţiyaları verecek yaşayannara, angılarına en çok bu yardım lääzım olacek. Biz diil lääzım zorlukların beterinä ruhumuzumnan düşelim hem lääzım bu yıl çekettirilmiş işleri tamannayalım».
Eni gaz tarifleri oktäbrinin 1-dän kuvedä girecek, haberleer ȇnergetika uurunda milli agenstvosu.