Hederlez ayın 5-10 Horvatiyada, Zagreb kasabasında dünnä hip-hop oyunnnarın yarışmaları geçirildi.Seftä A-STEEL CREW hem The Sun Dance Project Alina Stefu hem Vlada Stoyko trenerların komandaları Halkar arası arenasına çıktılar,da  altın hem gümüş ödüllerini kazandılar.

Türlü devlerdän 500 oyuncu -yakın 100 komandadan hip –hop – oyun yarışmalarında pay aldılar.Onnarın arasında Moldovanın sportçuları da bulundular. Yarışlar birkaç nominaţiyada geçtilär. Komrattan oyuncular altın hem 3 gümüş kazandılar, paylaşȇr trener Alina Stefu: «Kendi kızlarımnan hodullanȇrım.Onnar üüsek uurda becermeklerini gösterdilär.Bu büük çalışmaların çıkışları hem sevgi sport ilerlemesinä»

Var momentlär, açan sţena insanın yaşamak istoriyasını diiştirer,eni sayfaları açȇr, söleer Mariya Stoyanoglo,yarışmanın tarayıcısı.Seftä dünnä çempionatına duȇtlan çıkıp,ilk olmaa — bu diil kolay, nışannȇȇr o.

«Biz Alisaylan pek sevineriz,ani dünnä çempionatında üüsek uurda komandamızı temsil ettik.İlk eri kazandık. Pek hodullanȇrız»,- söleer Mariya Stoyanoglo.

Sportçulara herbir yarışmanın etapları önemli. Burayı gelgilär oyuncular, kim  kendi devletlerindä ,türlü turları geçip, en ii oldular,da dünnä sţenasına çıkmaa  kararladılar . The Sun Dance Project komandanın  oyuncuları Eva Stefu hem Viktoriya Vlah 2-ci eri aldılar.

 «Oyunumuz Vikaylan  gözäl oldu.2-ci er dünnedä-bu düş gütmäk,angısı aslä çıktı.Sevinerim,ani Moldovayı üüsek uurda temsil ettik».

Başarılı  oyunnnarı Viktoriya Vlah hem Tatyana Vlah gösterdilär. Onnar gümüş ödülleri aldılar .

«Biz komanda olarak çok çalıştık.Şükür ederim trenerimi — Stoykovıç Vladayı .İkinci er umut verer,ani taa ii lääzım çalışmaa».

«Dünnä çempionatında dalgalandım,ama sevinerim,ani becerikliimi  gösterdim.İkinci er –onemli bana ».

 İlk dünnä hip-hop oyunnnarın yarışmaları Gagauziya genç oyuncularına başarılı oldular.