Komratta Mihail Çakır adına kolecindä  yılda iki kerä kan vermä akţiyası geçiriler. Üürencilerä hem pedagoglara mobil kan vermä punktu kurulêr, ki onnar donor olabilsinnär

 Kan vermedän  ilktän herbir potenţial donor medic bakmasını  geçer. Uzmanlar insanın saalık durumunu kontrol edêr hem da onun kan verilmesini belli eder. Bunu kolecin medik uzmanı Anna Bejenar nışannadı.

ANNA BEJENAR  Mihail Çakır adına kolecin medik uzmanı

«İsteyan çok, ama hepsini kabletmeriz.Var belirli şartlar: insanın kilosu uygun olsun, yaşı 18-dän büük hem da saalıklı olsun. Virus infekţiyaları, aar hastalıklar olmasınnar».

Kolecdä bu akţiya yılda iki kerä geçiriler. Üürencilär buna aktiv katılêrlar. Donor olan gençlerä kan vermedän öncä konsultaţiya yapılêr hem da bilgiler veriler.

ANNA BEJENAR  Mihail Çakır adına kolecin medik uzmanı

«Bän onnara danışêrım, nasıl hazırlanmaa, bu iş ne için faydalı hem lääzımnı . Çünkü hepsinä kan grubu, rezus-faktor, gemoglobin hem da saalık durumu belli ediler».

Mediţina uzmannarı studentlerä şükürlerini deerlär onnarın can sıcaklıı için.

«Bu kararı kendimiz seçeriz, hasta insannara  yardımcı olmaa».

«İkinci kerä kan vererim hem çok mutluyum, ki insannara yardım edecäm».

«Bunda korkulacak bişey yok. İsteyärsiniz iilik yapmaa, nedän da yapmayasınız?» 

«Bu faydalı , hem da insanlara yardım edän güzel bir iştir».

Proţedura çok zaman almȇȇr, ama hasta insannar için büük fayda . Donor kanı operaţionlarda, yaralanmalarda, çok kan kaybedilmesindä önemli yaşamanın momentlerindä  mutlaka lääzım söleer doctor.

DMİTRİY BATIR doktor-transfuziolog

« Kan Vermä Merkezinä lääzım bu yardım. Şükür ederim herkezini    kim akţiyalara katılȇr .Bu insannarın cannarı pek büük.”

Hiç tanımadan bir insana saalıını dorutmaa  yada onnarı kurtarmaa  — bu akţiya birleştirdi Mihail Çakır adına kolecin studentlerini