Komrat dolay bolniţasının hirurgları kurtardılar paţientın ömürünü.Noyabrinin bitkisindä Kirsova küüyun yaşayanı bolniţaya götürüldü reanimaţiya bölümünä bilmenän sebepä görä kan akmasınnan.
Komrat dolay bolniţasının uzmannarı –doktor reanimatolog Andrey Plahotnük, hirurg-ȇndoskopist Andrey Çoban hem hirurg Semön Dragnev barabar hirurgiya bölümün başın Petros Albertännan, kurtarıldı paţient kan akmasının aar formasınnnan.
Petros Albertän hirurgiya bölümün başı, hirurg: «Aar halda paţient bolniţaya götürüldü reanimaţiya bölümünä. Yapıldılar hepsi aaraştırmaklar, iki fibrogastroskopiya hem kolonoskopiya, baalanmak oldu sanaviaţiyaylan Kişinövdan. Paţient geçirdi iki katı-barsak kan akmasını, da üçüncü keret, açan kan tansionu indi 60/20 sora da 40, biz ona operaţiya geçirdik».
Andrey Çoban hirurg-ȇndoskopist: «Operaţiya vakıdında belli oldu kan akmasının sızntısı,bu siirek hastalık — arterial duodenal fistül. Bu diagnoz belli olmȇr nicä yara yada başka hastalılk».
Semön Dragnev kan vermäk bölümün başı, hirurg: «İlk negativ gruppadan kan pek siirek Biz bitirdik rezervaları, aldık rezervaları Kişinövdan hem Kaguldan d Kurtarmaa deyni hastayı, lääzım oldu yakın 15 litra kan komponenti».
Eni Yılın karşısında var istemek inanmaa masallı işlerä, da biyaz halatlarda insanarın yardımınnan — onnar olȇrlar.