«Dalcaaz» orkestrusu Halklararası uşak forumunda pay aladı, angısı avgustun 21-23 – dän Moskvada geçti. Gagauziyadan muzıkacıları öndercilik eder İvan Mitioglo. Temayı Svetlana Dimitroglo ilerleder.
«Dalcaaz» kolektivi konţert programasınnan Halklararası forumunda Gagauz halkın kulturasını, tekrarlanmaz koloritini, muzıka varlıını temsil etti, paylaşȇr «Dalcaaz» halk instrumentleri orkestrusunun başı İvan Mitioglo: « «Kadınca» hem «Karşı avası» halk avalarını seçtik. Bütündän bir süita oldu. Çocuklarımız halkımızın tradiţional instrumentlerindä oynadılar akkordeonda, klarnetta, gaydada, daulda, kemençedä, trubada, nay instrumentindä».
Gagauzyadan delegaţiyasına deyni kultura dialogu önemli oldu. Kolektiv taa bir sıra gösterdi, ani kultura – o unuversal kolaylıktı sınırları geçeräk, insannarı, kulturaları birleştirmää, urguladı İvan Mitioglo: «Bizä deyni bu büük uur, Halklararası sţenasında halkımızın avalarını çaldırmaa. Orkestr seftä butakım oluşa gitti. Orkestr için bu büük oluş kolektivä dä, Gagauziyaya deyni dä».
Orkestrn pay alannarı evä sıcak duygularlan hem büük havezlän gagauz halkın muzıka tradiţiyalarını ilerletmää, söleerlär «Dalcaaz» kolektivin pay alannarı.
«Duygular açık hem sıcak oluştan. Вän akardeonda oynadım hem büük havezlän».
«Anmaklar gözäl hem sıcak kaldılar üreklerimizdä. Forumda, ani pay aldık kolektiv da sevindi, bizi käämil kablettilär dä».
Oluş yakın iki bin muzıkacı, oyuncu, genö atristleri Rosiyadan hem aşırı devletlerdän katıldılar. Kultura forumu sţenasında milletlerin tradiţiyalarını hem kultura varlıkarını gösterdi. Forum gala-konţerdinnän bitti.