Komrat daacılıında çalışer  insan, angısının  zanaatı korumaa tabiatımızı, daalarımızı. O — daacı. Onun günü çekeder  çin sabaylen da başarlaner gün kauştuunan. Onun bakışından kalmȇer birda ektar daa, birda hayvan  usds kuş izi. O her keret kuskuda durȇr. Kolay mı büün işlemää  daacılıkta üürendi bizim korrespondent. 

Gagauziyada — yakın 11 bin ektar daa. Onnar koruyerlar kuraklıktan, topraan eroziyası, soluk oler taa pak. Daacı Vladimir  Donçev  bir yıl geeri başladı kendi işini Komrattakı daa çorbacılıında. Taa küöüktän anasınnan-bobasındaa  daalardayadı, vardı kimdän üürensin hepsi  bu işin inciliklerini.  O biler kendi daa payında herbir fidanı, yolcaazı.

«Benim ana-bobam  bütün yaşamalarını işlerlär daada , bün büüdüm daada,  her keret onnara yardım ettim. Bu bizim kanımızda , diil bu pek zor ölä.  Bän pek severim bu işi, bilerim onu.  gitmää şindi başka erdä işlemää  dana olacek taa zor.  Hepsini enidän üürenmäpä zor olacek. Daacının işi benim canıma görä»,- söledi Vladimir.

Onun  profesional işi belli oldu regional komkursta neredä o kazandı ilk eri, da bu yakınnarda tanıştıracek üülen tarafını devlet uurunda. 

«Dört soruş bizä verdilär, angılarını bän bilärdim, soram gerbariy vardı lääzımdı tanımaa nesoy  çiçek, fidandı, soram  hayvan hem kuş izlerini lääzımdı tanımaa.  Bän onnarı pek  hızlı  tanıdım.  Vardı türlü kuşların izleri. Bän onnarı hepsini üürendim»,- nışannadı daacı.

Daacılar  koriyerlar  regionun  tabiat zenginiklerini. Onnar  gözlederlär ani kanona karşı  kesilmesin  fidannarı,  yardımederlär süündürmää ateşleri,  sayerlar hayvannarı . Nicä söler daacı Vladimir Donçev  daacının işi diil kolay ama meraklı. Onnar koruyerlar ekosistemayı siirek büümneri hem hayvannarı. 

«Benim  iş günüm  çekeder saat beştä altıda sabaalen,  bän kalkerım da giderim dolanmaa kendi daayımı,  bakerım izleri, kantarleerım ne oldu gecä.  Soram bizdä çekeder  iş  insannarı daaya götüreriz, günä planı vereriz, kendimiz da rubkalarda pay alȇrız. Koruyerız daaları yangından, erlem birerdä tütün varsa giderim ilk bakmaa ne olȇr.  Çünkü kaçırarsan ateşı daada, soram onu zor süündürmää»,- urguladı daacı.

Büün  daacılar- bu ekologlar, kurtarıcılar, biologlar, angıları geçirerlär ȇkskursiyaları uşaklara, annaderlar  ne için lääzım korumaa daaları. Vladimir donçev danışarak insannara, şüpelendirer ani  taa az yaksınnar ateş daada hem toplasınnar gübürleri ardına. 

«Büük problema  bu gübürlär,  onnar pek kırlederlär ardlarına, bän sölerim,  getirmeeniz onnarı, yada ardınıza toplayın.  Onnar toplamerlar  sıra gelecek bana toplamaa,  hem yangınnar. Bän her keret smlerim bakınız ateşinizi, brakmayın onu süündürün. Bu en korkunçlu daada»,- sayȇr Vladimir. 

Vladimir Donçev  o ayledän , neredä ana-boba da ormancı. Da taa küçüktän  hepsini bilärdi  hepsini daacılık için. 

«O büüdü daada,  ister işlemää , o beener bu işi,  neçinki taa küçüktän  biz onu lardık yanımıza, cezmelerä,   fidannarın dikmesinä, bendä vardı pitomnik, çok yıl plantaţıyada.  O her keret bizimnän pitomniktä.  Toumnarın toplamasında, jesmektä, çok türlü iş var bizim zanaatımızda. O her keret herbir iştä bizimnän biläydi. Da ona şindi taa kolay  işlemää. O biler kendi zanaatını taa küöüktän»,-  açıkladı kendi  bakışını Aleksandra daacının anası. 

Büün onun anası hodullaner çocuunnan  da söler, ani işlemää ormancı  ääzım sevmää naturayi, fidannarı hem işi angısını yapersın. 

«İnsannar angıları giderlär bölä zanaata, onnarın lääzım sevgisi olsun bu işä,  hatır gütsünnär daaya.  Onnar lääzım beensinnär onu, neçinki sevgisiz bişey olmȇȇr, bir da işä yapmayacan.  Varsa istemek çalışmaa bu uurda, hepsi olacek, bizdä var zor işlärda, korkunçlu da  ii momentlärda. Var çok türlü iş. Da ani o kaldı işlemää ondan sora nicä bän çıktım pensiyaya, bizä deyni hodulluk»,-  ekledi Aleksandra.

Vladimir Söler , ani ormancının işi  bu diil sade zanaat, ama allahtan verilmiş.  O teklif eder hepsi insannarı  korumaa  bizin teboatı, çünkü ondan çekiler bizim saalımız.