Çok-Maydan küüyün «Saabinin kalkınması göklerä» klisenin dış üzünü eniledeceklär. Düzücülük işlerinä girer yapının küblelerin hem duvarların dışyanından enilenmesi. İşlär yapılaceklar paralara, angılarını yaşayannar, küüdän çıkma insannar toplȇȇrlar hem erindeki büdjettän veriler.
Çok – Maydan küüyün «Saabinin kalkınması göklerä» klisesi tezdä altın renktä küblelerinnän şılayacek, yapının dış duvarları da enileneceklär. Nicä söledi primar Oleg Konstandoglo, sorumnu materiallar alındılar, tezdä klübleleri çekedeceklär yapmaa.
«Кüblelär eskidilär, yaamurlu, kaarlı havada kimi erlerdä nemnik iş yanına akȇr. Bunun için en ilk kümleleri lääzım eniletmää, sora da duvarları»,- primar Oleg Konstandoglo söledi.
Klisedä eniletmäk işlerini yapmaa deyni, küülülär erindeki kuvetlerä dınışmışlar, küüyün nasaatı hem primariya da proekti tutturmuşlar.
«Büünkü günä var toplu para, alındı material küblelerä»,- Oleg Konstandoglo söledi.
Primarın laflarına görä, küüdä geliştirilän proektlär erindeki ȇkonomika agentlerinnän hem küüdän çıkmaa insannarlan tutturulȇrlar.
«Erindeki sovetlän partisipativ büdjeti inandırıldı, bundan kaarä, yaşayannar, aşırıda yaşayan küüülülär para toplȇȇrlar»,- Oleg Konstandoglo söledi.
«Saabinin kalkınması göklerä» klisesi Çok – Maydanda 1845 yılda çeketti düzülmää. Burada türlü din sıraları geçirildilär. Klisä birzaman kapanmadı».
Klisä küblelerini koymaa erindeki kuvetlär kararlȇȇrlar küüyün kurbanı için.