Çok- Maydan küüyündä Oktäbrskaya sokaanda başardılar yolun düzülmesini, angısı klisedän mezarlaa dooru gider. Proekt yapıldı yol fondun yardımınnan, onun bütün sayısı 1 million 270 bin ley kurȇr.
Oktäbrskaya sokaanda yolun düzülmesi proektinä görä koyuldu brusçatka. İşlär yapıldılar tehnika standartlarına görä, nışannadı Çok- Maydan küüyün primarı Oleg Konstandoglo: «Yol götürer klisedän mezarlaa. Yol pek prosttu.Sular yukardan aşaa gelerlär. Her keret prost durumda bu yol bulunardı. Çamurdu. Verdik karar burasını yapmaa. Yaklaşık 1 million 270 bin ley gitti deyni yapmaa bu yolu».
Yol klisedän mezarlaa dooru pek önemni hem lääzımnı yaşayannar için, urguladı primar.
«Kötü durumda bu yol. İnsannar danışardılar. Bu soruş sovettän geçti. Sovetniklär kabul ettilär bu yolu yapmaa. İşleri bitirdik bu yıl. Kaldı küçük işlär, ama yol kullanılêr insannan»,- nışannadı primar.
Erindeki kuvetlär nışannȇȇrlar, ani enilenmiş yol önemni bir adım infrastruktura ilerlemesindä hem o çok yıl izmet edecek. Proekt yapıldı yol fondun paralarına.