Çok-Maydan küüyün yaşayannarına deyni saalık için zamandaş sport komplesi yapılacek. İnfrastruktura proekti kararlı sportu küüdä ilerletmää. Er, angısı 10 yıldan zeedä kullanılmadı, küü yaşayannarına fayda getirecek.
Sport kompleks 6,5 bin kvadrat metrasında düzülecek, eski stadionun erindä, Çok-Maydanın poyraz – gün batı tarafında, eski gimnaziyanın yanında. Sport meydanın eri hazır düzedilmiş. Hep ölä gimnaziyanın eski katelniyin 200 kvadrat metralık yapısında serbest güreşmäk salonu hem diişmäk, yıkanmak odaları yapılaceklar, söledi primar Oleg Konstandoglo: «Yapının duvarları kaavi, örtü yapılacek, pençerelär hem kapular koyulaceklar. Güreşçilerä deyni oda yapılacek hem diişmäk, yıkanmak odaları».
Proekt işleri 2025 –ci yılda çekettilär. Finanslar aşırı donorlarından hem küüyün Cümnä kurumun yardımınnan verilerlär.
«Biz aşırı proktlerä katıldık. Bundan kaarä küülülerin yardımınnan var olan işleri başa çıkaracez»,- söledi primar Oleg Konstandoglo.
Proektin çerçevesindä 500 — 1000 oturmak eri kararlı. Küü kuvetleri belli ederlär, ani proektin çalıştırılması Çok-Maydan küüyün sport yaşamasında hem ilerlemesindä belli edecek.