Çok-Maydan küüyü 220-ci yaşını kutladı. Saabinin göklerä kalkınması klisenin aulunda var anmak taşı 1740-ci yıldan datasınnan – ne gösterer, ani küüyün yaşayannarı vardı nicä taa ileridän buralarda erleşsinnär.
Çin sabaalendän çan sesi klisedä haberledi Çok-Maydan küüyün klisä kurbanı için. Saabinin göklerä kalkınması klisenin yortulu liturgiyasına küüyün küçüündän büünädän geldilär saalık, usluluk hem başarılar için dua etmää. Yaşayannar belli ederlär, ani klisä hem din cümnenin yaşamasında önemli rolü oynȇȇrlar.
Saabinin göklerä kalkınması klisä izmetçisi protoierey Grigoriy insannarın birliktä dua etmesini belli etti.
Yortulu oluşların sırasında güreş turniri geçti. Tarayıcılara horozları hem koyunu baaşladılar. Diri hayvannarı hem kuşları kurban olarak insan da verärdi. Küüyün körpä sportçuları kendi duygularınnan paylaştılar.
Küüyün başı yaşayannarı Çok-Maydanın kurbanınnan kutladı, küüyün ilerlemesindä herbir yaşayanın pay almasını söledi.
Yaşayannar söleerlär, ani küü tertipli, ilerleer, çünkü insan kendi küçük Vatanını sever hem herbir çekettirili iştä tutturȇr. Bunda da Çok-Maydanın kuvedi.