Provoslav insannarda Büük oruç zamanı başladı- en uzun klisä kalnedarindä. Bu o vakıt açan insan ruh tarafından paklanȇr, dua eder hem yaalı imekleri imeer Paskellä yortusuna karşı. Maasus gagauz adetlerindä kaplȇȇr «Trimur» adeti- üç gün kaavi oruç, angısı bakılȇr orucun çeketmesindä. Nicä geçirmää bu günneri faydalı canınıza deyni hem korumaa dedelerin adetlerini bizim süjetımızda.
Büük oruç — du diil sade yaalı imää imemää, ama vakıt açan insan lääzım işlesin kendi düşünmeklerinnän, duygularınnan, yaptıklarınnan. Oruç verer kolaylık ruh tarafından ilerlemää, terbietmää dayanmayı, hatır gütmää senselelerä. İoan Predteçenın adına soborun popazı boba Vasiliy urguler, ani orucun baş neeti — insanın kalbin diişilmesi, amma diil imek tarafından kuralların bakılması.
«Büük oruç — bu maasus vakıt herbir insana deyni. Bu günnär, açan biz ruh tarafından birleşeriz Hristozun zeetçekmelerinnän, isteeräk ki bizim günahlarımızı prost etsinnär»,- boba Vasiliy urgulȇȇr.
Klisä herkeret getirer aklılarına , ani orucu lääzım tutmaa kuvedimizä görä. En önemni tutmaa aklında, ani ruh tarafı taa faydalı nekadar brakılmaa yaalı imeklerdän. Uşaklar, ihtiarlar hem hastalar var nicä taa ilin tutsunnar orucu söler Boba Vasiliy: «Herbir insan kendisinä deyni ayırȇr tutmaa mı orucu. Hasta insannara deyni var illiniklärda bu uurda, angılarını verer popazlar. Okadarke en önemni — ani oruç ilerler kalptä, fikilerimizdä hem düşünmeklerimizdä. Herbir insan varnicä ruh tarafından tutsun orucu, erlem o hastaysa da bulunȇr evdä, yada yatalak».
Büük orucu tutmaa mı o sa tutmamaa mı herbir insan ayırȇr kendisi. Biz üürendik Gagauziyanın yaşayannarından kim büün tuter büün orucu.
«Tuttmȇrım. Neçin? İşä kaçȇrız, olmȇr grafik nicä biz isteriz».
«Diil er siz sorȇrsnız, iyarsaydım yaalı yada imeerim, iiyerım bän».
«Güüdeyä deyni, saalaa deyni, alȇrım satın halva, ceviz, mantar. Sayȇrsınız insannara lääzım tutma oruç? Lääzım».
«Bu insanın saalıı için, ama ne o oruç. Herbir insan lääzım annasın, ne bu oruç. Oruç o susuzluk, görmemäk hem çok işleri işitmemäk. Ama açan dolayında biri-birini lafederlär, bu diil dooru».
«Oruç biz tutmȇrız, amma bän sayȇrım, ani herbiri lääzım ayırsın kendisi, hem herbiri yapȇr nicä o sayȇr».
«Paklamaa deyni kendi canını, onun için lääzım tutmaa orucu».
Dooru tuttunan oruç var nasıl getirsin güüdeyä fayda da, azalȇr yaalı immeyin kullanması, zeedelener zarzavatların hem bulgurların kullanması. Okadarke pek önemni kontrol etmää balansı vitaminnerdä, hem mikroelementlerdä. İnsannar kronik hastalıklarınnan tutmaa deyni orucu lääzım doktorlardan nasaatları kabletsinnär.
«Bün sayȇrım, ani orucu varnicä tutsunnar saa insannar. Popazlar sölerlär ani küçük uşaklar varnicä tutmasınnar. Şindi var çok emiş. Ama insannarda kimin var hastalıkları, kalp, karnı, şeker tarafından diil lääzım tutsunnar oruç»,- doktor nasaat etti.
Büük oruç sürtecek Paskelleyadan — hristiannarın en büük yotusunadan. İnanç insanara deyni bu ruh tarafından hazırlanmak Hristozun dirilmesinä. Herbiri kendisi ayırȇr nesoy olacek onun ilerki yolu yaşamakta. Bekim maasus bu günnär vereceklär kolaylık yapmaa taa bir adım kaavileştirmää deyni inanı.