Aprelin 7-dä, Bütün dünnä saalık günündä Komratta bilim-praktika regional konferenţiyası geçti. Onun adı «Навигатор здоровья: от доказательной медицины к качеству жизни». Oluş regional istoriya-dolay muzeyindä uzmannarı türlü uurlardan birleştirdi.
Konferenţiyanın önemli temaların birisi insannarın haklarınnan baalıydı. Halk advokatı Svetlana Mironova ne baalı paţientlerin saalıın korumasınnan hakları açıkladı.
«Paţientlerin hakları – insannarın haklarıydır. Hakı yaşamaa, hakı saalıı korumaa, hakı insanın fizik hem psihika saalıını devlet lääzım korusun. Herbir insan medik kurumuna danışȇr, bunun için haberli paţient insanı koruyȇr»,- Halk advokatı Svetlana Mironova açıkladı.
Ömürün önemli aspektlerini -Yaşamayı aktiv götürmäk hem pozitivli düşünmäk Komradın primarı Sergey Anastasov belli eder: «Аktivlik hem pozitivlik insana deyni ilk erdä lääzım olsunnar».
Sportlan hınşır zanaatlanmak aar hastalıkları var nicä ilaçlasın. Yaşamaktan örenekleri hip-hop treneri Andrey Stratul açıklȇȇr: «Benim kolektivimdä uşaklar var, angıları astmaylan hasta, ama sporttan brakılmȇȇrlar. onnar saalıklı uşaklarlardan kimileri ii başarları göstererlär. Aktiv yaşamayı götürmäk önemli büüklerä dä, küçüklerä dä».
Doktor-terapevt hem «Saalık» akţioner toplumun başı Elena Rusu profilaktikayı hastalıklara karşı ön erä çıkardı.
«Büün taa aktual profilaktikayı hastalıklara geliştirmää, nekadar soradakı problemaları saalıklan çözmää. Kötü durumnar dolayda, onnar da insannarın saalıında belli edilerlär. İnsanın raatsızlıı, dinnenmemäk, iştä «yanmak», fizik hem psihika saalıını kötüleştirer »,- Elena Rusu söledi.
Haberlemäk коnferenţiyası doktorları, üristleri, sportsmenneri, yaradıcılık uurundan insannarı birleştirdi. Oluşun baş neeti – bütünneştirmää durumnarı, angıları insanın saalıına zarar getirerlär. Konferenţiyayı hazırladı hem geçirdi Saalık cümnä topluluu Komradın primariyasınnan birliktä.