Komrat kasabasının istoriya muzeyında geçti bilim — kultura forumu, angısı adalıydı Komrat Respublikasının kurulmasının 120 yıldönümünä, o olaylar geçtilär 1906 — ci yılda.
İstoriya doktoru Stepan Bulgar yaptı sıradakı kiyadın «120 лет Комратской Республике 1906 -2026г» prezentaţiyasını. Avtor nışannadı, ani ani en önemni kahraman revolüţiya olayların zamanında oldu Komrat kasabasının real uçileşinin başaranı, Harkovun tehnologiya institutun studenti Andrey Galaţan.
«Biz göreriz neya getirdi Komrat kasabasının kalkınmak olayı, neçinki hepsi baş gazetalar yazardılar respublika için Komratta. Laf gider onun için, ani burada Komratta yaşȇȇr maasuz halk kulturası. Bu real uçilişesi, bu adamnar için şkola. Durum kızıştı 19 — cu asirın bitkisindä 2- — ci asirin çeketmesindä, açän geçirilmedilär toprak reformaları»,- аvtor nışannadı.
Bilim — kultura forumun pay alannarı nışannadılar o uzak olayların proţes zamanının baş momentini.
«Bakmadan ona, ani nesoy sebeplär vardılar, nesoy koşular, kimo durȇr kalkınmanın hem Respublikanın kurulmasında, önemni o, ani bu oldu o ȇtapların birisi — bizim millet halkın düzülmesi. Da, padiş asker makinası hızlı bu kalkıntaı bastırdı.Onun pay alannarını kapadılar, Respublika yok edildi».
«Bän pek sevinerim, ani nezamansa bizim dedelerimiz andırdılar Galaçan Andreyın adını, da Komrat kasabasında bir sokaan adını koydular onun adına. Sanȇrım, ani Komrat muniţipiya nasaatçıları düşüneceklär, ki taa bir sokaan adını koymaa o olayların pay alanın adına».
«Aleadän soruşlar, 1906 — ci yılın Komrat kasabasının kalkıntısı olayları, Komrat Respublikasının, bakmadan onnarın önemni hem lääzımnzrı için avtonomiya mız için, kasabamız için, gagauz halkın anması için – mas medyalarda hem da bilim publikaţiyalarında diil geniştän açık bu konu».
Komrat kasabasının istoriya muzeyında kurulu iki sergi, çizgiledi muzeyın başı Valentina Dermenji: «Bizim muzeyda var en zengin kollekţiya, maasuz Komrat kasabasının kalkınması için materiallar, var ȇkspoziţiyalarikinci katta da, odada, neredä geçecek bu toplantı, istoriya materiallarından hep hazırladık».
Komrat Respublikası sürttü 6 gün.