Çadır kasabasında geçti 16-cı “Beliy samuray” karatȇ açık kuboo. Yarışmalarda pay aldılar 160 sportçu 6 komandadan angıları tanıttırdılar Gagauziyayı hem Moldovanın başka dolaylarını. Nicä lakkıner şannı pyedistala hem kim kazandı kendi komandasına deyni kuboo üürendi bizim korrespondent.
«Biyaz samuray» kuboo oldu adetça da her yıl kableder taa çok pay alan. Hazırlayıcılar umutlanȇrlar ani o çıkacek halklararası uura da olacek Çadır kasabasının vizit kartası.Turnırın neeti diil sade belli etmää taraycıları, ama kaavileştirmää ruhu, disţiplinayı, hem saygıyı gençlerdä. Karatȇ- bu düüşçünün yolu, ki o taa üüsek uura kalksın urguladılar hazırlayıcılar.
Oleg Çebotar «Sakura» sport klubun başı: «Düüşlär en küçüklerdä çekettilär kaavi. Konkurenţiya var, hepsi ii düüşer tatamidä».
Komrat kasabasını yarışmalarda belli ettirdi «Banzay» klubu hem muniţipal sport okulun sportçuları. Nicä nışannadı Nikolay Kara bu yarışmalar vererlär kolaylık diil sade en küçüklerä göstermää kendi kuvedini, karakterini tatamidä, ama taa büüklerä da kaavi hazırlanmayı.
Nikolay Kara «Banzay» klubun başı: «Anaların boorcu getirmää uşakları zala, bizim da nicä trenerın meraklandırmaa onnarı, ki zanaatlansınnar sportlan».
Moldova kiokuşunkay federaţiya başı hem trener Aurel Kondra urguladı, ani bu sport çeşiti Moldovada ilerler, var çok isteyen gelmää da zannatlanmaa karatȇylan. Da bu turnir gösterer, ani bu sportun var gelecää.
Aurel Kondra Moldova kiokuşınkay karatȇ federaţıya başı: «Federaţıya açıldı 92 yılda, şindi üüsek uurda ilerler Moldovada, 50 proţentta başka devletlerdä Almaniya, İtaliya. Bizdä var ii sportçularımız».
Komandaların bir payı ilk keret geldilär bu yarışmalara, da urguladılar ani onnar hazırlı üüsek uurda, hem kaavi konkurenţıyaya tatamidä, çünkü uşaklar hazırlandılar.
Oleg Pırgar kiokuşinkay karatȇ treneri: «Bän nicä trener pek mutluyum ani uşaklarda var bölä kolaylık düüşmää burada erindä, çünkü yokkana konkurenţıya biz yoknicä ileri gidelim. Da yapılerlar bölä yarışmalar, bu pek islää pay alannara deyni».
Yarışmalarda pay aldılar genç spotçular türlü yaş hem çeki kategoriyalarda. Turnir topladı kaavi Moldovanın hem Gagauziyanın karatȇ klublarını. Çoyuna onnara deyni bu ilk yarışmalar, amma totamidä onnar gösterdilär kaavi düüşleri.
«Yarışmalar geçerlär ii, ajiotaj tatamidä var pek kaavi».
«Bizim komanda pek ii düüşer, bizdä şindi bir taratmak hem bir ensemäk.Güreşerlär pek ii».
«Konkurenţiya var, bizim komanda pek kaavi hem büük, taa sık bizim komanda yarışmalarda tarȇr».
Turnir topladı birerdä diil sade en küçük sportçuları, ama anaları bobaları, trenerları hem bu sportun sevennerini. Taraycılar kablettilär ödülleri, diplomaları hem kubokları. Komrat kasabasının komandası kazandı bir altın, iki gümüş hem bir bronz ödülünü. Çadır munuţipiyanın «Sakura» klubu getirdi kumbarasına 13 ilk er, 10 ikinci hem beş beşinci. Komandaların aralarında erlär pay oldular bu takım ilk Çadır klubu, ikinci erdä Bȇçoy sportçuları hem üçüncü erdä Kişınöv komandası.