Komratta geçti konţert,angısını hazırladılar muzika okulun, kolledjın hem universitedın gençleri. Olay geçti Çakir adına koledjın zalasında,da birleştirdi üürenicileri hem üüredicileri türlü üüretim merkezlerdän.
Konţertın programmasında Andrey Valkov adına muzika okulun üürenicileri temsil ettilär nicä klassika yaratmalarını, ölä da zamandaş kompoziţiyalarını. Herbir muzika çalması gösterdi becerikli işi hem genç muzikacıların ilerlemesini, nışannadı KDU kultura kafedrasının başı Tatyana Şögoleva: «Hepsi,kim sţenaya çıkȇr — bizim gelecek potenţialımız.İdeya,angısı peydalandı geçän yılda, aslıya çıktı.Sanȇrım, ani adet heryılkı olacek, da toplayacek taa çok kişi pay almak için».
Konţert geçti sıcak, dostlu atmosferada, toplayıp bireri türlü yaşlardan muzika sevennerini, urguladı A.Valkov adına muzika okulun başı Dmitriy Timofey: «Bän martur bu proţesa. Başardım nezamansa muzika okulunu, sora koledjı,sora da universitedı, da döndüm geeri muzika okuluna genä».
Konţert gösterdi, ani muzika birleştirer, cannandırȇr hem açȇr herbir pay alanın talantlarını.