Fevralin 12-dä Gagauz Eri Bakannık komiteti sıradakı oturuşunu geçirdi. İş sırasında soţial, ȇkonomika hem üüretim soruşları bakıldılar. Kimi soruşlara görä avtonomiya bücetindän lääzımnı olan paraların verilmesi için kararlar kabledildilär. Oturuşta Finans bakannıın işini yapan Tatyana Doyçeva söledi, ani geçän yılın dekabr ayın 29-da Moldova parlamenti devlet bücetini kabletti, da bu finans dokumentindä Gagauz Erinä deyni transfertların sayısı üüseldi. Bu üzerä avtonomiyanın bücetinä dä diişilmeklär geliştirilsinnär lääzım. Taa geniştän Bakannık komitetin oturuşu için hem kabledilän kararlar için S.Dimitroglo annadacȇk.
Татyana Doyçeva Finans bakanı işini götürän: «Bakannık komitetin çalışannarına Gagauziyanın büdjetinä teklif ediler 36 mln. 736 bin leyä zeedeletmää, çünkü devlet büdjetin sayıları zeedelendi. Temel finanslar üüretim uuruna doorudulaceklar – 31 mln. 30 bin 600 ley, sport okullarına – 3 mln.860 bin.500 ley. Soţial uuruna- 82 bin 200 ley hem erindeki transport infrastrukturasına – 1 mln.762 bin 700 ley».
Finans bakannıı açıkladı, ani diişilmeklär baalı yanvar ayından devlettä en küçük aylık paranın büümesinnän. Bakannık komitetin çalışannarı postanovleniyayı tutturdular. Dokument HT doorudulacek, nedän sora kanon proekti Gagauziyanın büdjetinä geliştirilecek. Hep ölä finans bakannıı teklif etti merkez büdleti hem üç dolayın büdjetlerini 2026 –ci yıla inandırmaa. Üçüncü soruş genç aylelerinnän evlerin subsidiya programasınnan baalıydı. Avtonomiyanın kuvetleri bu uurda 22 ayleyi tutturȇr.
Татyana Doyçeva Finans bakanı işini götürän: «4 yıla subsidiyaların sayısı 4 mln.468 bin.198 ley kurȇr ilk subsidiyalar. Onun sayısı 1 mln.489 bin 399 ley».
Bakannık komitetin başın ilk yardımcısı İlya Uzun var olan programaya sorumnuu belli etti.
İlya Uzun Bakannık komiteti başı ilk yardımcısı: «Programa işleer. Genç aylelär devlet programasını kullanȇrlar. Lääzım olacek HT danışmaa, ki diişilmekleri programaya geliştirsinnär».