Aylä Dünnäarası gününä KDU geçti student konferenţiyası, angısı adalıydı aylä koruması soruşlarına. Gençlär baktılar devletin, cümnenin hem herbir insanın rolünu aylä paalılıkların kaavilenmesindä.
Aylä Dünnäarası günü her yıl bakılȇr may ayın 15-şindä OON iniţiativasına görä. Bu günün neeti cümnenin bakışını doorutmaa, ki aylä paalılıklarının önemniini, aylä institutun kaaviletmesi hem ii koşulların kurması terbietmää evladları, nışannadı KDU üüredicisi Svetlana Mironova: «Aylä soruşları aktual nicä halk advokatı için, ölä KD universiteti için. Önemni saymaa ayleyi, neçinki aylelär çok krizis geçirerlär, ayleyi lääzım tutturmaa, hem yardım etmää. Baş temasınnan oldu çekmää dikkatlıı aylä problemalarına, bakmaa paalılıkları, neçinki herbir aylä kendi yolunu ayırȇr».
Konferenţiyanın süresindä studentlär temsil ettilär dokladları, angıları baalı devlet politikasınnan aylä tutturmasında, soţial korumak ölçülerinnän, aylenin rolünnän uşakların terbietmesindä hem kultura trtadiţiyaların korumasınnan. Ayırı bir er verildi Moldovanın kanonnarına, angıları doorudulu ana-boba hem uşakların korumasına.
« Zamandaş koşullarda, açan ayırılmakların sayısı zeedelener baş rolü uşakaların hak korumasında daava oynȇȇr. Kararlar kabletmesindä baş neet en ii intereslär uşaklar için, angısı var dünnäarası hem milli kanonnarda. Moldovada bu soruşların hak uurunda çözülmesi bakılȇr aylä kodekslan hem vatandaş proţesual kodekslan».
«Aylä hakın institutunda var büük soţial hem hak maanası neçinki diiyer uşakların haklarını bilmää kendi ana- bobasını, angısı yazılı uşak hakları için konvenţiyanın 7-ci statyasında, da onu Moldova kabletti hem da konstituţion prinţiplär korumaa anaları uşakaları hem ayleleri. Uşakların interesleri bakılerlar Moldova devletin aylä kodeksin 51-ci statyasınnan hem da hak bazası kuruler birkaç normativ aktlarından».
Konferenţiyanın süresindä pay alannar baktılar genç aylelerin tutturmasını, ana hem uşak korumasını, demografiya problemalarını hem ev baskısının profilaktika mehanizmalarını . Ayırı bir er verildi üüretim hem terbietmäk rolünä aylä paalılıkların kurulmasında. Moldovada hem avtonomiyada işleer bir sıra yardımcı soţial programalar aylelär için uşaklarlan, nışannadı Gagauziya saalıı hem soţial korumasında bakannıın başın yardımcısı Alöna Kozar: « Gagauziya kuvetleri işleerlär soruşlarlan, angıları baalı uşakların korumasınnan. Pek ii çalışȇrlar opeka strukturası, saalıı korumak bakannıı, angısı cuvap eder hepsi ödemekleri için angıları Gagauziya bücetindän yapılȇrlar. Avtonomiyada uşaklara, angılar duudular regionda birzamankı yardım veriler, işleer maasuz programa İlk ev. Hep ölä bizdä var yardım, angısı veriler çok uşaklı aylelerä suuk zamanı için ».
Üüredicilär belli ettilär studentlerin üüsek uurda hazırlanmasını hem soţial problemaların bakılmasında katılmasını. Onnarın laflarına bölä olaylar yardım ederlär kurmaa vatandaşlık cuvaplıını hem hak kulturasını studentlerdä.
« Bu tema meraklandırdı uşakları. Bakmayarak ona, ani onnar birinci kursta büük işi yaptılar üürenärkänä kanonnarı daava praktikalarda da herbir dokladtta göreriz çıkışları hem rekomendaţiyaları, angılarını var nasıl gelennerdä kullanmaa».
Kurucular açıkladılar umudu, ani bölä buluşmaklar adet gibi olaceklar da yardım edeceklär kaaviletmää aylä institutu devlettä.