Moldovada aprelin birindän pensiyalara indeksaţiya yapıldı. Onnar yakın 7 proţendä büüdülär. Koefiţient alındı bakarak infläţiya uuruna. Hep ölä pensionerlara ödenecek taa 52 ley. Kanona görä o eklemäk sayılȇr alarak esaba ekonomika büülmesini.
Minimal pensiya vatandaşlar için bütün sigortalamak stajlan 3 bin 264 ley- bu 200 leya taa çok nekadar taa ileri vardı. İnsanlar için, angıları 40 yıldan diil taa aaz işledilär kabledeceklär 3 bin 525 ley. Bıldır pensiyaları 10 proţendä kaldırdılar.
«Bän pensiyayı taakabletmedim, amabakarakonunsayısınahem proţentlerä görerim, ani ikiüz leydän taa çok olmayacek. Hem taa 50 ley naşeysa için ödeceklär. Elbetki bu aaz. Biz büük insanız poliklinikaya gezeriz, ilaçlar, imeklär pek paalı. Biz normal yaşamȇȇrız. Bendä kızım invalid kolaskada yatalak bunun için bizä primariya yardım eder. Saa ol türlü bulgurlar, oloy. Çok saa ol onnara».
«Bu izmetlerä etişmeer. Gaz için lääzım ödemää 7-8 bin ley. Ama denä iki bin pensiyayalan bunu yapmaa. Näändan? Ama imää lääzım hem başka izmetlerä, ilaçlara. Nicä yaşamaa?»
Başka pensionerlar sevinerlär bölä para kaldırmasına.
« Bendä büük pensiya. Bän işledim Moldelektrikada, orada islää ödärdilär, ama insannarın çoyu bukadar para kabletmeer».
« Bän yalnızım, uşaklarda kendi ayleleri, kendi uşakları. Evlän birerdä altı sotka var, aul var».
Kimi pensionerlar sayȇrlar, ani pensiyalar lääızm on bin ley olsunnar.
«Pensionerlar yaşasınnar deyni lääzım on bin ley makar olsun. Var nicä beş ta, ama kimä nicä. Bän diilim pensioner, ama teezlä lääzım çıkayım. Ama yok ne iş, ne da koşullar iş için pensiyaya kazanmaa deyni. Nicä olacek bilmeerim».
«Bän izmetlär için 8 buçuk bin ley ödedim. Nesoy pensiya lääzım olsun? Ama imää da lääzım, ilaç ta almaa. Sayȇrım, ani on bin leydän diil taa aaz».
Kalktılar pensiyalar kolaylıksız insannar için da. Aar invalid formasınnan kişilerin minimal pensiyası 2448, ikinci grupanın 2 bin 285 ley, orta uurlan da 1632 ley. Bütündän soţial ödemeklerin büülmesi 8 proţendä notalanȇr. Kuvetlerin haberlerinä görä soţial ödemeklerin zeedlenemesinä iki milliarda ley gidecek. 2017-ci yıldan pensiyaları devlettä kaldırerlar alarak esaba infläţiya uurunu ki insannarda olsun kolaylık almaa kendilerinä hep o malları hem izmetleri, ne pek lääzımnı.