Gagauziyadan sekiz çiftçilik kurumnarı eni agrotexnika almaa deyni finans yardımını kabledeceklär. Subsidiyaların bütünnä sayısı 1,6 milyon ley kurȇr.
Subsidiya fondundan yardım olacek işletmelerin listesinä görä- Bu karar İyül aiyn 7,Gagauziyanın Bakannık Komiteti oturuşunda kabul edildi. Çiftçi uzmannarın bildirimneri özel komissiya tarafından bakıldı. Listeyä, texnikayı yeniletmää hem da iştä yeni metodları kullanmaa isteyän metodlar girdi.
Gagauziya çiftçi bakanı Sergey İbrişim nışannadı, ki bu zamannarda taa çok agrariyalar No-Till hem Mini-Till tehnologiyalarına geçer. Bu metodlar topraan berekedini korumaa yardım eder hem çiftçilik kurumnarın verimliliini artırêr.
« Bizim çiftçilär bitki vakıtlarda eni tertipleri hem eni tehnologiyalarını kullanerlar. Subsidiyaların yardımınnan alıncek 5 ekim makinaları hem başka tertiplär. Bu da bizim agrarlarımıza büyük yardım olacek»,- Sergey İbrişim nışannadı.
Gagauziya öndercileri nışannȇrlar,ki agrar parkın eniletmesi hem ţıfra tehnologiyaların geliştirmesi önemli eri kapler çiftçilik urunda iışlär ilerlesin deyni.