Açık kanalizaţıya lüklar beterinä insannar var nicä yaralansınnar. Zorluklarlan diil sade yayan gezän insannar karşı gelerlär, ama arabacılar da.  Komratta bu yıl şindän sora sayıya koyuldu olaylar , açan lüklara düşärdilar insannar, nedän sora onnar yaralanardılar.

Kanalızaţiya lüklarında yokkan kapakları, bu var nasıl getirsin  insannarın yaralanmasına, yada yolrazgelmelerinä.  Maasuz karannık vakıdında  yada açan  prost görüner, risk  büüyer. Olayların birisi oldu diil çoktan, genç kız düştü lük içinä.  Belli edildi, ani bu lük için  Su kanal muniţipal kurumu cuvaplı. Açıklamaa deyni  durumu  biz baalandık kurumun  uzmannarınnan, ama onnar istämedilär cuvap etmää soruşlara. Komrat kasabanın primarı Sergey Anastasov  getirder insannarın aklılarına,  ani   lükların açması yada onnarın kapakların çalması  zap ediler, kim bunu yapacek, ona   ceza koyulacek. 

«Var olaylar,  açan insannar  çalȇrlar lükları. Bizdä bir gecedä çalındı 30 lük, bu oldu bir-iki yıl geeri. Onnarı  metaloloma verärdilär. Sora  biz kablettik lääzımnı ölçüleri bu olaylarlan güreşmäk için»,- Sergey Anastasov  nışannadı.

Kendi bakışlarınnan  bu problemaya pay oldular  kasabanın yaşayannarı.  

«Pek  korkunçlu. Maasuz ihtiar insannara. Bän kimär keret giderim  da esaba almȇȇrım,   da var nasıl bacaam kaysın, uşaklara deyni pek korkunçlu. Onnar kaçȇrlar da esaba almȇȇrlar nereyı basȇrlar».  

«Bu korkunçlu, dill lääzım açık brakmaa onnarı».

«Açık lük — bu her keret korkunç durum. Kimsa lääzım cuvap etsin onnar için. Herbir  izmet kontrol eder kendi lüklarını: su kanal izmeti,  sıcak vermäk kurumu hem ȇlektrika. Uşakları lääzım üüretmää olmaa taa atent. — Okulda  lääzım onnarı üüretsinnär,  ani dill lääzım basmaa lüklara,  açan onnar kapalı da, zerä var nasıl düşmää». 

« Bu pek korkunçlu. Maasuz beşinci okulun yanında, neredä beş katlık evlär var, orada var insan, angısı üüredici işledi, gidärdi aul boyunda da esap almadı açık lüku da düştü  ona, da şindi gezämeer. Bu 5-6 yıl geeri oldu. Uşaklar kaçerlar. Kimär keret kendi torumnan gezerim,  şüpelendirerim onu,  ki basmasın lüklara, neçinki bu pek korkunçlu». 

«Onnarı lääzım yoldan almaa,  ki arabalar urulmasınnar onnara». 

«Gider insan, düştü  da yaralandı. Pek korkunçlu, bana geler açȇrlar da metaljloma vererlär».

«Bu pek korkunçlu,  maasuz uşaklara, görmeyeceklär da düşeceklär. Da sora  ne olacek, pek korkunçlu».

İnsannarı teklif ederlär olmaa taa atent hem bakmaa korunmak kurallarını. Erlem  görärsäydiniz,  ani var açık lük, bunun için lääzım haberlemää komunal izmetlerinä yada başka  kasabanın  çorbacılıklarına.