Kazayak küüyün muzeyindä Halklararası Muzey günü nışannandı. Bu yortuya baalı açık kapular günü geçti. Musaafirlerä meraklı programa hazırlandı.
Kazayak etnografiya muzeyinä erindeki liţeyin ikinci klasta üürenicileri geldilär. Onnar için kvest-oyun hazırlandı — burada uşaklar cuvap ettilär soruşlara, bilmeycelerä cuvap verdilär.
«Bän büün geldim bu pek gözäl muzeya, bän ikinci keret gelerim burayı, bän pek beendim burasını. Bän beendim, açan biz toplardık anatarları».
«Bän üürenerim ikinci klasta, bän geldim bu büük muzeya, bän gördüm burada pala hem da susak».
Ekskursiya sınırlarında üürenicilerä annattılar gagauz halkın adetleri hem yaşaması için, tanıştırdılar türlü ilerki tertiplärlän, neyi kullanarmıştılar ileri. Kimi uşaklar ilk keret muzeya gelmiştilär. Nicä söledi başlankı klaslarda üüredici Elena Gaydarji, bölä olaylar vererlär kolaylık uşaklara taa islää üürenmää istoriyayı hem kulturayı diil sade kiyatlarda,ama görüp hepsini kendi gözlerinnän.
«Biz lääzım gelelim burayı da uşaklara gösterelim bölä gözäl bizim muzeyimizdä var pek çok, ne göstermää. Biz lääzım uşaklarlan gelelim taa sıkça da bekim da uşaklar bilsinnär bizim istoriyamızı»,- Elena Gaydarji söledi.
Etnografiya muzeyin uzmanı Raisa Kol söledi, ani halklararası muzey günü o islää bir kolaylık gençlerin dikkatlıını çekmää kendi ana tarafın istoriyasına hem kulturanın korunmasına.
«Biz kararladık yapmaa uşaklara bir kvest, Büülü sandıçak- neredä uşaklar çözdülär bilmeyceleri, buldular baaşışları da bitkidä açtılar en büük sandıı. Buldular orada diplom hem suvenirleri. Bölä yortu çok önemni, neçinki uşaklar tutȇrlar aklılarında çok işlär, görerlär, tanıyȇrlar, babularında görmüşlär, evdä varmış. Uşaklar tanıdılar patrettä malilerini, dädularını»,- Raisa Kol söledi.
Hep ölä bu yortunun sınırlarında tombarlak masa geçti. Burada Kazayak küüyün yaşayannarı annattılar kendi istoriyalarını Kazayak küüyün yaşaması için hem urguladılar,ani muzey büük rolü oynêêr geçmişin korumasında, dedi Kultura Evi başı Mariya Taka: «Bizim muzeyimizdä bizim istoriyamız, bizim folklorumuz- burada el işleri, ustalık işlär — herbir iş var nicä demää gagauzun yaşaması — bizim muzeydä Kazayakta… вырезать Bunnar burada yaşȇȇrlar hem bän pek isteerim, ani bizim bu gagauz folklorumuzun yaşaması olsun sonsuz».
Kazayak etnografiya muzeyindä büünkü gündä 6 buçuk bindän zeedä eksponat sayıda bulunêr.