Komrattan N.Tretyakov adına liţeyin üürenicileri halk oyunnarını üürenerlär oynamaa. Onnarı horeograf Marina Raşkova götürer. Liţeydä oyun derslerini geçirmää, üürediciyi Bulgariya üüretim Ministerlii teklif etti. Uşaklar folklor hem halk oyunnarını üürenerlär.
Bulgar kulturasınnan kollektivin üürenicileri tanışȇrlar. İkinci klasın üürenicisi Varvara Popadiya söleer, ani kostümnarda şıralı renkleri sever.
Varvara Popadiya, 2-ci klasın üürenicisi, sayȇr: «Bulgarların gözäl kulturası var. Onnar şıralı renkleri severlär kullanmaa».
Kirill Yakimov, 4-cü klasın üürenicisi bulgar kulturasının çeşitliini belli eder.
«Bän sayȇrım, ani onun için var nicä çok işlär sölemää. Bän bilerim, ani bulgar halkı çalışkan hem musaafirci»,- üürenici söledi.
Horeograf – üüredici Marina Raşkova kulturada karyerasını «Radolübie» ansamblisindä Taraklıda çeketmiş, Plovdivda ilerletmiş. Şindi Bulgariyanın Ministerliinnän komandirovkaya Komrada yollandırılı, söleer Marina Raşkova: «Gagauziyanın Komrat kasabası. Uşaklar – gagauzlar hem bulgarlar – birerdä oynȇȇrlar. Onnarın yaşlarına bakarak oyun hem meraklı formada sınışları geçireriz, ileri dooru taa başka işlär bekleerlär, ki çıkışlar taa ii olsunnar. Bu önemli liţeyä deyni, gagauzlara da, bulgarlara da».
Oyunnar aşırı uşaklar kendi ȇmoţiyalarını açıklȇȇrlar, tradiţiyaları saygıyı terbiderlär.
Varvara Popadiya, 2-ci klasın üürenicisi, nışannadı:«Sınışlarda oynȇȇrlar, onnar oyuncuylan lääzım duyulsunnar».
Tretyakov adına liţeyindä derslär – kultura sözleşmesi eri olȇr, neredä uşaklar biri-birini annamaa üürenerlär, iki halkın folklorların birliini kendilerinä açȇrlar hem kendi halkların tradiţiyalarını açȇrlar.
Маrina Raşkova, horeograf-üüredici, çizgiledi: «Besarabiyadan bulgarlara Gagauziyada meraklı, çünkü halkların folklorları benzeşerlär. Uşaklara nekadar gözäl kulturalarımız var annadȇrım. Bu uşaklar, angıları şindi burada bulunȇrlar, bekleerlär zamanı, nezaman sţenaya çılkaceklar da giimneri giineceklär».
Liţeyin uşakları trakiya oyununu gösterdilär, angısına yortu dedilär.