Aar atletika açık çempionatı baaşladı büün Komratta, o sürtecek iki gün, da toplayacek yarışmaklara 200 zeedä sportçu bütün Moldovadan.
Aar atletika açık çempionatı kaplȇȇr en önemni aarlık kategoriyaları. Aar atletika Moldova federaţiyası başı Antonio Koflitti şükür etti yarışmakların kurucularını hem diledi ii başarları sportçulara.
Antonio Konflitti, Moldova Aar atletika federaţiyası başı: «Şannı bulunmaa burada Komratta. Genç sportçuların sayısı büüyer herzaman,da bu bizim aar atletikanın gelecek evlad boyları».
Yıl yıldan çempionat olȇr önemli meydan aar aatletikanın illerlemesindä, saalıklı ömürün bildirtmesindä hem eni talantların belli etmesindä,angıları temsil edäbileceklär regionu milli hem halklar arası uurlarda, urguladı Aar atletika Gagauziya federaţiyası başı Konstantin Zlatov: «Bu bizdä adet şansora, bu nicä ikinci respublika çempionatı.Biz sevineriz».
Gençlik hem Sport Bakannıın temsilcisi Pavel Tulba nışannadı,ani aar atletikada sportçular herzaman göstererlär ii çıkışları türlü turnirlerdä.
«Nicä Gagauziyada ölä da Moldovada en üüsek çıkışları getirerlär aar atletikada sportçular nicä dünnä arenasında, ölä da Evropa turnirlarında. Şüpesizim,büün da hep olaceklar ii çıkışlar,onuştan hepsinä ii yol, zararsız»,- Pavel Tulba nışannadı.
Çempionatın pay alanı Mariya Boguş urguladı,ani hazırlandı yarışmaya, göstermää deyni üüsek çıkışları.
«Bän hazırım yarışmaklara. Bana deyni aar atletika –sport,kaldırmaa deyni aarlıkları hem tutmaa kendini formada»,- Mariya Boguş urguladı.
Yarışmakların sonunda pay alannarı ödülleceklär medalilärlän hem gramotalarlan.