1995-ci yılın kıran ayın 4-dä GHT «Gagauziya Gagauz Yeri Gimnası» kanonunu kabletti. 30 yılın süresindä gimnımız öter Gagauziyada geçirilän olaylarda, onu küçüü büüyü biler hem çalȇr.
Gagauziyanın Gimnı «Tarafım» o bir simvol, angısında toplu halkımızın istoriya girginnii, halkımızın birlii sayȇrlar F.Yanıoglo adına liţeyin üüredicileri. «Tarafım» birleştirer Avtonomiyanın yaşayannarını bakmayarak onnarın yaşlarına, yaşamak erinä. Gimna saygı güderlär küçüklär dä, büüklär dä.
«Benim için gagauz gimnası en büük bir gurur. Çünkü bän haliz bir gagauzkayım».
«En ilkin isteerim dilemää, ani herbir gagauz duysun, ani o gözäl bir halkın payı. Korusunnar dilini, utanmasınnar dilindän hem lafetsinnär onda».
«Gagauziya gimnı -o bizim hodulluumuz, o bizim istoriyamız, tradiţiyalarımız , bizim kuvedimiz. Herbir insan mutlaka lääzım bilsin hem çalsın gimnı».
«Çalarak gagauz gimnını sanȇrım, ani herbir insan duyȇr sevgiyi Ana tarafına, Ana dilinä , Ana evinä».
«İsteerim dilemää Gagauziyanın yaşayannarına bu gözäl yortuda olsun bizim memlekettä uygunnuk , olsun gözäl yaşamak , herbiri sevsin kendi tarafını».
Gagauziya gimnını çalmak kararına görä , gimn Gagauziyada geçirilän ofiţial olaylarında mutlaka çalınsın lääzım. Gagauziya üürenmäk kurumnarının üürenicileri gimnı taa küçüktün üürenerlär hem çalȇrlar.
«Gimn gösterer bizim birliimizi, bizim kuvedimizi».
«O gösterer halkımızın kuvedini».
Gagauziya Gimnı kanonuna görä -Gagauziya gimnı Avtonomiyanın ofiţial simvolu sayılȇr. Gagauziya gimnı hepsi ofiţial olaylarında MD gimnı ardına çalınȇr.