Ȇlmaz şuatı komratlykaya Bolgar Annaya deyni çoktan sevgili işi oldu. Büün var olan incäzanaat insanın yaşamanın maanası, angısı dolay insannara sevinmelii getirer.
Ȇlmaz şuatına Bolgar Anna bütün gününü var nicä adasın. Sevgili yaratmalar ustanın evini hem iş erini donadȇrlar.
«Canım istedi başkalarınnan da bu gözelliklän paylaşmaa, sade bän siiretmeyim»,- Anna annattı.
Patretleri hem çiçekleri Anna en pek beener resimnenmää. Onnar ustanın canın en yakın. Taa sıkça butakın süjetlar peydalanȇrlar Annanın yaradıcılıında. «Kız kırmızıylan»- ustanın iç dünnesini açıklȇȇr.
«Bän portretleri pek severim. Küçüklüümdän onnarı sevärdim yazmaa. “Kız kırmızıylan” sansın benim iş dünnemi gösterer. Portretleri hem çiçekleri gözelliklän baaladȇrım. Karılar, çiçeklär gibi. Zambak çiçää neakadar gözäl, halizdän bölä yapraklı çiçeklär yok»,- usta söledi.
Ȇlmaz tehnikasında şuatından kaarä Аnna boyalarlan hazır nomerlı resimneri çıkarȇr.
«Te bu benim ilk resimim, onu bana baaşladılar. Butakım yaratmaları uzaktan göräbilirsin. İtaliya kasabasının bir köşesi. Bu laam içindän güneş batısı – nekadar gözäl»,- ekledi usta.
Annanın şıralı renkli hem käämil yaratmaları halizdän yortulu havezi yapının giriş odasında kurȇr.
«Burada gözäl oldu. Studentlerin yurtluu gözelleşti. Rewsimnär hepsicii unikal».
«Pek gözäl hem yortulu havez duyulȇr».
Büün Anna Bolgar eni resimi bir buçuk metra seksän santimetra genişliindä yaradȇr. İleridä dä taa çok süret hem boya bekleniler.