Her yıl oktäbrinin 3-dä dünnedä Halklararası içkiciliklän güreşmäk günü nışannanȇr. Bu gün doorudulu haberlemää alkogolün kötülüü için insanın saalıına hem saalıklı yaşamanın götürmesinä.
Аlkogolä baalı olmak – saalıı korumak uurunda problemalı durum. Algogolizm insanın güüdesinä hem psihologiyasına zarar getirer.
«Fizik durumunnan baalı içkicilik, açan insan bir sıra keefini aldıynan, her gün isteer bu keefi almaa. Ozaman doza her gün kablediler, onu zeedeledärken durum psihikaya zarar getirer»,- nışannȇȇr Vieru.
Içkiyi zeedesinnän kullanmak damarlara, barsaklara, kara ceerin hastalıklarına zarar getirer. İvan Vieru belli eder , ani insan geç zamanında doktorlara danışȇrlar.
«Önemli, ki senselä yada kendi hasta zamannan danışsınnar hem ne taa pek önemli, ki hasta istesin alkogoldän ilaçlanmaa»,- söleer narkolog.
İçki sık kullanan insannarı tutturmak için programa reabilitaţiyaylan baalı. Ama nicä belli eder doktor, bitki zaman dispanserda bulunan insannar bolniţaya geç düşerlär.
«Alkogoliz- hastalık, angısını insan kendi-kendisinä getirer, bileräk, içer. Komrat dolayanında sayıda 800 kişi bulunȇr – biz bileriz, ani bu pek küçük sayı, halizdän o çok taa büük. Yol razgelmelerin da taa çoyu içki kullanan şoförların beterinä olȇr»,- sayȇr Vieru.
Uzmannar çizgileerlär, ani Halklararası alkogollän güreşmäk günü doorudulu herkezin aklısına getirmää, ani saalıklı yaşamak hem içkidän atılmak ii taabet.
Avtor: S.Dimitroglo, operator: A.Glekov, montaj: İ.Rezuneţ