Kirsovo küüyün muzeyindä geçti olaylar, angıları eveldän korunmuş adetleri göstererlär. Karılar açıkladılar, nicä uşaan vatızlıı geçärdi taa eveldän. Muzieyin direktoru Evdokiya Stoynova nışannadı, ani bölä adetleri lääzım korumaa.
Muzeylerin en önemni davası — adetleri korumaa. Biz lääzım annadalım genç evlad boylarına, ki uşaklar bilsinnär, nicä dedelär yaşardılar. Üürenicilär, angıları pay aldılar bu olayda, nışannadılar, ani bölä olaylar pek önemni. Bän sayȇrım, ani lääzım adetleri korumaa, hem gagauz hem bulgar halkların. Bunun için biz bölä olayları geçireriz.Kirsovo küüyündä çalışȇrlar ilerletmää hem korumaa gagauzların hem bulgarların adetlerini, çünkü bu küüydä bu iki halk dostlukta yaşȇr.
