Kirsovo küüyün M.Tuzlov adına liţeyindä oluş Kiril hem Mefodiy gününä, angısı hederlez ayın 24-dä bakılȇr, yortu geçti. Onu hazırladı Üüretim bakannıı, tutturdu da Moldovada Bulgar elçilii hem bulgar cümnesinin Asoţiaţiyası.
Kirsovo küüyün M.Tuzlov adına liţeyi topladı üürenicileri Gagauziyanın, Kantemirin üüretmäk kurumnarında. Oluşu aydınnadıcıların Kirilın hem Mefodiyin slavän yazısının kurucularına adadılar.
«Ko bu gün hodullanmak hem gülüş günü olsun. Koruyun hem sevin hepsini ne bulgarlan baalı»,- nışannadı konsul.
Yortulu programada Gagauziyadan hem Kantemir dolayanından bütündän 77 üürenici pay aldı. Programanın temelinä bulgarların kulturası alındı. O master-klas tatlılıklarda, diktant yazılması hem halk horusu.
«Sayȇrım, ani butakım format meraklı uşaklara deyni. Biz bileriz, nekadar uşaklar büün üürenmeyi hem dinnenmeyi severlär».
«Umut ederim, ani siz büünkü oluşu, nicä sevgiyi, sevgiyi uşaklara, üürenicilerä kabledersiniz».
Uşaklar kulinariyada yarıştılar-hazırlayarak bölä bulgar millet imeklerini, nicä: baniţa, tarator, musaka, şopskiy salatı hem sarmayı. Onnar hazırladılar da, reţeptları da açıkladılar.
«Bän sayȇrım, ani hepsini lääzım üürenmää hem korkmamaa nesä eni denemää yapmaa».
«İmekleri yapmaa severim. Seftä bunu yapȇrım, ama beenerim».
«Var olan pay alannarlan ileridän tanışardım, kimilerinnän büün tanıştım da birliktä imekleri hazırladık».
«Büün biz birerdä imekleri yapȇrız, lafederiz, bu meraklı bir oluş».
Oluşun ikinci payında «Ana dilimi severim» diktantı açık gök altında geçti. Tarayıcılar baaşışları— 1000, 700 hem 500 ley kabledeceklär. Ödüllemäk hederlez ayın 21-dä, KDU-dä geçecek.
«Вutakım oluşu, ani bir taraftan diktant yazılsın, öbür taraftan da imek hazırlansın, yoktur olduu. Hodullanȇrım, ani hepsini etiştirdik, uşaklar da bulgar kufnesinä sevindilär».
«Bizim yortumuz – o svgi bulgar dilinä, aşçılıına, kulturasına. Ko işidilsin, ani Gagauziyada bulgarlar da yaşȇȇrlar».
Oluş master-klaslan başarıldı, bulgar horusunna, nicä bulgarların adetlerin hem birleşmesi günü.
Moldovanın hem Gagauziyanın en mekalı haberleri GRTnın Telegram kanalında!