Kıpçak küüyünda Baranovskiy adına liţeyindä geçti Moldova Voleybol çempionatın ilk etapı kızların arasında.
Bu yarışmada buluştular Kıpçak kızlar komandası hem musaafirlär «Vadul lui Vodê 1» komandasından. Herbir top için güreşmäk, oyuncuların duyguları, trenerlerin dalgalanması bütün oyunda duyulardı. İlk eri kazandı bu yarışmada «Vadul lui Vodê 1» komandası. Trener Ivan Sıtnik bölä notaladı komandanın pay almasını.
«Oyun oldu pek dalgalandırıcı hem sert, saa olsun Kıpçak komandası, bizi işlettirdilär üüsek uurda. Bizdä herzaman Kıpçaklan prinţip oyunu, neçinki biz buluşêrız sport okulların uurunda da, liţeylerin arasında da. Bizdä güreşmäk gider grupada 3-cü er için. Pek sevindim, nesoy büün kızlar oyunu gösterdilär»,- dedi trener.
Moldova voleybol çempionatı kızların arasında geçer her yıl, çekedip 1993-cü yıldan. 2014-2015-ci oyun sezonnarından beeri, yarışmalar geçerlär güzün hem ilkyazın.
Avtor: A. Karapirä operator hem montaj: L. Arfonos