KDU-dä Moldova devletindä yaşayan halkların istoriyasına hem folkloruna adalı lekţiya geçti. Studentlerä unikal halk yaradıcılıı için annattılar. Gençlär folklor yaratmalarınnan tanıştılar.
Folklor kultura adetlerini korudȇr hem istoriyayı taa islää annamaa yardım eder, belli etti çalgıcı, dirijer hem KDU-in üüredicisi Tatyana Şögoleva:«Büün, açan bütün dünnedä globalizaţiya gider, halkın özelliini zor korumaa. Bileriz, ani folklor – kulturada hem adetlerdä kurulu».
KDU-in üüredicileri urguladılar, ani folklorun üürenilmesi hem korudulması önemni rolü gençlerin terbiedilmesindä oynȇȇr.
«Dünneyä çıkacek folklor toplumu, folklor yaratmalarını çoyu var nicä okusunnar».
«Bu olay verer kolaylıı kompozitorların bakışını real formatta işitmää hem duymaa, nicä muzika peydalanȇr».
KDU-in studentleri açıkladılar, neçin halk yaradıcılıını bilmää hem ilerletmää.
«Gagauz folklorun korunması hem şindiki zamanda önemni harakteri, yazık, ama gider».
«Angı zamandaş yaradıcılıını da almasak, temelä halk ustacılıı konȇr».
«Biz kär şindiki yaratmaları da yazarsak, temelä halk yaradıcılıı düşer konsun».
«Bu o — neylän bän büüdüm. Bu Vatanımızın temeli. Gagauz kompozitorların becermeklerinä mayıl olȇrım».
Folklor – milletliin özellii. Onu korumaa hem ilerletmää lääzım.
Moldovanın hem Gagauziyanın en mekalı haberleri GRTnın Telegram kanalında!