Moldova devlet universiteti birerdä Ekologiya hem Geologiya institutunnan Agrar bakannıın istemesinä görä geçirdi bilim- praktik seminarını yıslamak için Yalpug deresindän. Oluşta pay aldılar Gagauziyanın hem üülen tarafın agrariyaları, hem hep ölä profil.
Kuraklıın beterinä çoyu graraiyaların var büük kayıpları, çünkü yok büün kolaylık sulamaa kırları. Klimatın diişilmesi hem yaamurların hem kaarın yoksuzluu kaler aktual problema. Seminarın süresindä Devlet universitetin uzmannarı tanıştırdılar pay alannarı nesoy durum Yalpug derenin dolayında, ne halda su buluner, ne kalitesi var hem yakışer mı onunnan sulamaa büün kırları. Nicä nışannadı bilim adamı Olga Krivova, büünkü günä yok bir da göl angısından var nasıl sulamaa topraa. Tek çıkış bu prut deresindän almaa suyu, amma buna deynni lääzım çok finans.
«Bir taraftan elim çeker sulamaa da bu önemli iş, nicä siz görersiniz bizim seminardan, bizim su resursları diil kaliteli halda ki sulamaa deyni. Bizdä sularda çok mineral var, da ileri dooru biz sularsaydık onunnan, topraamız tuzlanacek, da burada bişey büümeecek»,- nışannadı bilim adamı Olga Krivova.
Nicä nışannadı çiftçilik uurunda konsultant İvan Bozbey, Moldovada var nasıl sulamaa topraa sadece Dnestr hem Prut derelerindän, ki getirmemää zarar topraamıza.
«Ölä Yalpug deresindän su bütün tuzlu, da yok nicä sulamaa, maasus bitki vakıtlar çünkü yok yaamur. Erlem 40 yıl geeri, açan vardi yaamur hem kaar, da başladılar bu işi kontrol etmää, suda vardi minerlallar 1,5 gram bir litraya, amma geçan yıl etişti 4 gramadan. Bu pel kçtü sulamaa deyni»,- nışannadı çiftçilik uurunda konsultant İvan Bozbey.
Regionun agrariyaları büük kayıplıkta kuraklıın beterinä. Devletin tarafından var yardım ki onnar kursunnar assoţiaţiyaları, ki olsun kolaylıkları düzmää su sistemalarını. Nicä urguladı Agrar bakanı Sergey İbrişim, büün kaliteli susuz yaknicä sulamaa hem kanbletmää üüsek bereket, yıl-yıldan bunu zor yapmaa.
«Seminar pek aktual. Biz imzalayacez memorandum baalantı için ki yardım etmää agrarialara. Büün burada buluner te onnar kimä bu tema önemli»,- urguladı Agrar bakanı Sergey İbrişim.
Nicä nışannadı Valkaneş dolayın çiftçisi İgor Karamilä su yıslamak sistemaları, angıları vardılar taa sovet vakıdında, öokta işlämerlär, onun için onnarı lääzım tertiplemää hem paklamaa dereyi.
«Lääzım şindi düzmää bu sitemayi , bizdä var basenä 25 bin litra suya, da biz neetleneriz onu düzmää. Var artazean skvajınalarımız iki, biz onnarı kazdık, var Kaul deresindä da su»,- nışannadı Valkaneş dolayın çiftçisi İgor Karamilä.
Hep ölä seminerın pay alannarında oldu kolaylık vermää kendi soruşlarını uzmannara hem profil kurumnarın başlarına. Oluşu geçirdilär su resurlsların dünnä gününä baalı.
Moldovanın hem Gagauziyanın en mekalı haberleri GRTnın Telegram kanalında!