Gagauziyada Baba Marta ayı adalı Lüdmila Aleksandrovna Pokrovskayaya — anılmış türkologa hem gagauzoveda, angısı çok iş yaptı gagauz dilin ilerlemesindä hem da onun gramatikasına. Bu karar kabledildi Bakannık komitetinnän o üzerä, ani bu yıl Baba marta ayın 18 — dä 100 yıl tamannaceydı Lüdmila Pokrovskaya. Bu dataya ekli türlü toplantılar, nicä uşak başçalarında, ölä da avtonomiyanın üürenmäk okullarında. Ayın süresindä toplantılar geçirilerlär Komrat kasabasının Stepan Kuroglo adına gimnaziyasında da.
Lüdmila Poksrovskiyin anması için mart ayın özel neeti sayılȇr — ilerletmää gagauz dilini, korumaa türkologun bilim varlıını hem tanıştırmaa cümneyi bilim insanın işlerinnän.Gagauziya Şannı üüredicisi Vera Arakelän bilärdi Gagauziya Şannı yaşayanını türkologu Pokrovskaya Lüdmilayı.
«Elbetki, o intelegent insandı, üürenmiş, pek yavaş, angısı pek sevärdi kendi işini, sevärdi bizim halkımızı, da kendisinnän gösterärdi bizä örnek, nesoy lääzım olma kendi işinindähem yaşamakta»,- Gagauziya Şannı üüredicisi Vera Arakelän söledi.
Lüdmila Pokrovskaya — bilimci, angısı braktı büük bir iz gagauz dilindä hem litaraturada, çizgiledi Gagauziya Şannı yaşayanı Vera Arakelän: «O sayılȇr bilim insannarın birisi, angısı aaraştırdı gagauz dilini hem da yazdı gramatikayı. Lüdmila Aleksandrovna braktı büük iz bizim halkın istoriyasında da gösterdi bütün dünneyä, ani bizim halkta var kendi dili, kendi kulturası, kendi istoriyası».
Toplantılar Baba Marta ayında doorudulu gagauz dilin ilerlemesi için, istoriya anması için, Pokrovskaya Lüdmilanın zaametinini saymak için.
Moldovanın hem Gagauziyanın en mekalı haberleri GRTnın Telegram kanalında!