CK «GRT» çekim grupası mart ayın 5 — dä savaştı üürennää, nesoy işlär geçirilerlär Komrat kasabasının kanalizaţiya paklamak sistemasının erindä. Bu gün bu soruşlan biz danıştık «Su- kanal» kurumun öndercisinä.
Çekim grupanın soruşuna, nesoy işlär yapıldılar Komrat kasabasının kanalizaţiya paklamak sistemasının erindä, bizä haberledilär, ani öndercilär barabar bizimnän gittillär kanalizaţiya paklamak sistemasına ondan sora anonim telefon danışmasından sora. Nesoy işlär o vakıt orada yapılardı, bizä annatmadılar. Ama habeledilär, ani kanalizaţiya paklamak sistemasının eri özel varlık.
«Girdilär özel varlıın erinä»,- söledi kurumun başı.
Bitki durumdan sora, biz verdik soruşları «Su- kanal»kurumun öndercilerinä, nicä toprak , angısında giderlär düzmäk işleri kanalizaţiya paklamak sistemasında, var nasıl olsun özel varlık? Neyä biz kablettik cuvap, ani bu erin bir payında aul koyulu. Büün biz geldik üürenmää alezdän mi ölä. Nicä görersiniz, benim ardımda saade iki direk. Başka aul hiç yok. Hep ölä biz danıştık «Su- kanal»kurumun öndercilerinä, ki onnar göstersinnär bizä nesoysa dokument, ani bu er sayılȇr özel, neya biz cuvap kabletmedik. Cevabı soruşa verdi Komrat kasabasının primar yardımcısı Stepan Kara «Обсуждаем вместе» programanın süresindä.
«Bu diil özel varlık eri, ama oarda var cubapçı»,- Stepan Kara dedi.
Komrat kasabasının primar yardımcısı Stepan Kara hep ölä haberledi, ani bu erdä koyulu ayul.
«Bu kurumda aul koyulu. Angı halda, bu başka soruş. Büün orada var aul, angısının yardımınnan, büün orayı yabancılar girämeerlär»,- Stepan Kara dedi.
«Su- kanal»kuruluşun öndercisinin yardımcısı Viktor Panaitov nışannadı, ani aul orada yok.
«Orada çıkarȇrlar, neçinki bakarak nasaatçıların kararına geçerlär assenizator maşinaları. Onnar çıkarȇrlar oradan teli, setkayı, uysun deyni geçsinnär kanalizaţiya paklamak sistemasının erinä»,- Viktor Panaitov nışannadı.
Muniţipal nasaatçısı Vladimir Kara nasaat etti, çözmäk için bu problemayı, çıkmaa nasaatçıların oturuşuna iniţiativaylan onun düzmesi için.
«Te biz İvannan çıkaecez muniţipal nasaatçıların oturuşuna iniţiativaylan yapmaa deyni oarda aul. Makarki bir önemli iş kuruluşa deyni»,- Vladimir Kara dedi.
Aul yok, angısına görä belli olsun maasuz kuruluşun sınırları. Baamsız jurnalistika merkezin öndercisi Gagauziyada Stepan Piron nışannadı, ani jurnalistlerin, bakarak kanona, var hakları yapsınnar kendi işini türlü erlerdä, sade kimi obyektlerdän karä, bölä nicä — askercilik zonaları yada radioaktiv erlerdä.
«Kanonda bişey sölenmeer, ani jurnalistlär var nasıl girsinnär türlü obyektlerä. Orada var saade obyektlär, neredä koruntuluk üüsek uurda»,- Stepan Piron nışannadı.
GRT CK çekim grupası mart ayın 5 — dä savaştı üürenmää, nesoy işlär geçirilerlär Komrat kasabasının kanalizaţiya paklamak sistemasının erindä. Cevabı kablettik mart ayın 14 — dä, «Обсуждаем вместе» programasında, «Su- kanal»kuruluşn öndercinin yardımcısından Panaitov Viktordan: «Kestik svarkaylan, da aldık iki trubayı, angıları diil ekli kanalizaţiya paklamak sistemasına. Bu belli patretlerdä da, angıları çıkarılı taa ileri iki afta bu olaydan. Bu direklär er düşäydilär, teritoriya kalaceydı şafksız. Bizim işçilär kesrtilär bu iki trubayı, da iş başarıldı».
«Su- kanal»kuruluşun öndercisi neetlener göstermää lääzımnı dokumentleri yapmak için işleri kanalizaţiya paklamak sistemasında muniţipiyanın nasaatına.
Moldovanın hem Gagauziyanın en mekalı haberleri GRTnın Telegram kanalında!