Komrat kasabasının stadionunda geçti Moldova devletin U-16 formatında ilk matçi, «Oguzsport» hem «Radu Rebeja»komandaların aralarında, angıları zanaatlanȇrlar «Oguzsport» klubunda, onnar başarlı bitirdilär çempionatın ilk ȇtapını.
İlk oyunda buluştular en kaavi komandalar. Oyun, pay alannarın laflarına görä, pek gözäldi, hiç kimsey istemäzdi geeri kalmaa.Nicä nışannadı trener hem «Oguzsport»futbol komandanın Prezidenti Anatoliy Mavrodi, sportçular hazırlandılar sıradakı etapa.
«Çeketti kendi işini Moldova devletin çempionatı. Bu sezonun ikinci payı. Bizim klub pay alȇr altı kategoriyada. Büün yarışȇrlar sportçular ANDR -16 kategoriyasında. Bizim soperniimiz «Saksan» futbol klubu. Umutlanȇrım, ani pek islä hazırlandı bu sezona. Bizdä uşak komandaları, umutlanȇrız, ani göstereceklär islä oyunu. Bizim gençlerin komandası pazar günü güreşti Kişinöv kasabasında «Tinereţ» ligaya görä, taradı Kişinöv kasabasının futbol komandasını, sayıda: 3:0»,- açıkladı Mavrodi.
Nicä nışanandı trener, uşaklar hazır güreşmeya ilk erlär için turnir tabliţasında. Sportçuların laflarına görä, çempionat çeketti, da şindi önnerindä pek önemli dava durȇr – toplansınnar bireri, göstermää komanda harakterini hem ensemeyi. Meydanın çorbacıları matçta urdular tek golu, bununnan başardılar oyunu, sayda 1-0. Gelän oyunu «Oguzsport»futbol komandası geçirecek Kişinöv Kişinövdakı «Spartaniy» komandasınnan.
Avtorlar: P. Barbova, Z. Kanţir, operator: V. Kıssa, montaj: A. Gerçu
Moldovanın hem Gagauziyanın en mekalı haberleri GRTnın Telegram kanalında!