Kıpçak küüyündä uşaklar büük havezlän şaşki oynȇȇrlar. Derslär geçerlär küü sport okulunda, neredä toplandı iki grupa — küçük üürenicilär hem taa büüklär. Uşaklar artık kazanêrlar üüsek başarları regional hem devlet yarışmalarında.
Şaşki — intelektual sportu, angısı ilerleder logika uurunu, saburluu, dikkatlıı hem verer kolaylık çözmää soruşları zor durumda, söleerlär Kıpçak küüyü sport okulu üürenicileri. Onnardan kimisi taa çekeder annamaa, ne o şaşki oyunu, ama başkaları artık üüsek başarları göstererlär yarışmalarda.
«Iki yıl şaşki oynȇȇrım. Pek severim, yardım eder bana düşünmää».
«Benim adım Nikoletta. Bän şaşki bir yıl oynȇȇrım. Gelerim şaşkilerä, çünkü yardım ederlär düşünmää».
Şaşki oynamaa uşaklar başlêêrlar 5-6 yaşında, nışannadı şaşki treneri. Onun laflarına görä, üürenicilerin var ii bilgileri. Onnarın çoyu kazanêrlar üüsek erleri regional hem devlet yarışmalarında. Şindi Kıpçakta var iki grupa , onnar üürenerlär 4 keret aftada.
«Uşaklar bizdä hazır, biz onnarı üürederiz. Herbir uşak şaşki oynamaz. Ama hazırlȇȇrız onnarı, yakında devlet çempionatı. İsteeriz pay almaa. Bendä iki gruppa, 15 uşak herbirindä. Küçüklär, te bu küçük grupası. Var taa büüklär. 30 kişi. Küçük uşakların arasında var nicä demää — biz liderlär. İslää erdä sayılȇrız»,- dedi trener.
Yanvar ayın 11-dä Komrat kasabasında geçti şaşki yarışması. Kıpçaan üürenicileri ilk erleri kazandılar, onnarın arasında — Evgeniy Kolioglo, Polina Yasabaş, SERGEY Kemençeci.
Avtor: A. Karapirä, operator hem montaj: L. Arfonos