«GRT» kanalında «Sevgili Bucaam» türküsünä tanıtım oldu. Onu insana yarattılar avtor Gagauziyanın şannı türkücüsü Valentin Ormancı hem türkücülüü çekettirän Angelina Uzun.
«Sevgili Bucaam» bölä adlanȇr eni türklü gagauz dilindä. Lafları hem muzıkayı avtonomiyanın şannı artisti Valentin Ormancı yazdı, türküyü çalȇr respublika, halklararası yarışmaların tarayıcısı Angelina Uzun: «Bu gün «GRT» kanalında eni türkümü tanıdȇrız. «Sevgili Bucaam» kompoziţiyasına lafları hem muzıkayı Valentin Ormancı yazdı, aranjirovkayı Pavel Arnaut kurdu. Saa olsun Födor Gaydarjı da , ani türkümü tutturdu».
«Açan lafları patriotika temasına yazȇrsın, duuma erini lääzım başka taraftan gösteräsin. Tekst, ava düşmeer tekrarlansınnar»,- sayȇr Valentin.
«Sevgili Bucaam»- Vatan için türkü, angısı duuma erinä sevgi simvolu oldu, sayȇr Valentin. O türkünün önemli sıraları çizgileer.
«Türkü «Dim-dik dursun gagauzlar!» laflarından çekeder, refrendä dä büük laflar öterlär: Salt ilerlä! Gagauzlar makar ki küçük halk, ama hodul, çalışkan, talantlı» ,- çizgileer о.
Yaradıcılık balalantısı Valentin Ormancının hem Uzun Angelinanın ararlarında – örnek, nicä muzıka uurunda çalışmak var nicä gitsin. Onnarın birleşirk çalışması halkın kulturasını unikal yaratmalarlan doldurdȇr. «Sevgili Bucaam» — bu ikinci türkü Angelinaya Valentinnan yazılı. İlk yaratmaydı- «Eni Yıl» türküsü.
