Gagauziyada politika durumu için laf gitti oturuşta, angısnının 2-ci raundu Komratta geçirildi.
Tombarlak masanın süresindä pay alannar taa derindän baktılar soruşu, angısı Regional Politika partiyanın kurulmasınınnan baalı.
«Gagauziya lääzım kompromis bulsun hem duşmannık etmesin. O, ne olȇr büün burada HT hem başka uurlarda, bu olȇr onun için, ani bizdä yok partiya komandası hem Gagauziya idealogiyası»,- nışannadı GHTdeputatı Nikolay Dudoglo.
Oturuşun süresindä Gagauz Respublikası ilk viţe-prezidenti Pötr Buzadji nışannadı, ani regional politika partiyanın kurulması verecek kolaylık cümneyi taa saalıklı yapmaa.
«Partiya, elbetki, lääzım, regional partiyası ama taa da pek lääzımnı. Biz göreriz, ani cümnä hasta hem bizim baş daavamız taa saalıklı onu yapmaa. Bunun için ama dialog lääzım»,- Gagauz Respublikası ilk viţe-prezidenti 1991-1994 yy. Pötr Buzadjı sayer.
Oturuşun pay alannarı kendi bakışlarını devlet hem Avtonomiya arası politika durumunu için açıkladılar. MD gagauzlar birliin başı Nikolay Terzi nışannadı, ani regional partiyası MD Parlamentinä girämeyecek.
«Bi̇z lääzim reali̇st olalım, büünkü gündä devlet partiyası, angısı gagauz partiyası olacek, Parlamentä girämeyecek. Ama biz erli secimneri esaba lääzım alalım da HT, Başkan hem erli seçimnerä katılalım. Eer ama kvota olarsaydı, hem biz Parlamentä geçärsäk, bizim kararlarımız esaba alınmayaceklar»,- MD gagauzlar birliin başı Nikolay Terzi söleer.
Tombarlak masanın süresindä pay alannar kararladılar yılın sonunandan taa bir buluşmak geçirmää hem ileri dooru iş planını belli etmää.
