Kırlannar küüyündä Eni yıl yortularını cam acın donatmasınınnan başladılar. Onu küüyün merkezindä koydular.
Kırlannarda Gagauziya Başkanı Guţul Evgeniyanın destäännän küüyün merkezindä Eni yılın simvolu Çam aacı donadıldı.
«Biz büün komandaylan barabar geldik kutlayalım Eni yıl yortularını. Bu çam aacı sevindirer insannarı, yaşayannarı bu küüdä. Bizdä var kısmet sevindirmää insannarı. İsteerim hepsinä duva etmää saalık, kısmet Eni yılda»,- dedi başkan.
Çam aacı donadılı renkli Eni yıl tertiplerinnän, kendi şavklarınnan şaştırdı yaşayannarı hem küüyün musaafirlerini.
«Biz pek sevineriz bu gözellä, nekadar burada yaşȇȇrım seftä bunu görerim. Çok saaolsun Başkan, ani destekleer bizi hererdä».
«Allaa versin saalık onnara, kim getirdi, kim yaptı».
«Hepsi yaşayannara saalık, uygunnuk, usluluk bütün dünnedä olsun».
«Bu yıl seftä bizim küüyümüzdä bölä gözellik, sevineriz pek, ama en pek uşaklar sevinerlär».
Yortunun pay alannarını animatorlar hem Eni yılın en önemni personajları Ayaz dädusu hem Kaarcazka kutladılar.
«Eni yıla karşı isteerim kutlamaa yaşayannarı. Saalık, bereket, umut. Ko eni yıl taa kolay olsun»,- söledi primar Georgiy Palik.
Avtor: A.Terzi, operator: Gr.Stavilov, montaj: A.Gerçu