Kıran ayın 16 — dan Moldova devletindä giriştirildi hatalı durum energetika uurunda. Bölä karar kabledildi Moldova devletin Parlamentindä çoyu seslerlän. Hükümet çalıştırȇr «Arttır ȇnergiyayı — ödä taa az» kampaniyası.
O üzerä, ani giriştirildi hatalı durum, Premier Energy kampaniyası danışȇr yaşayannara, elekrtoȇnergiyayı arttırsınnar. Kampaniyanın temsilcileri getirderlär hepsinin akıllarına, saat 7 — dän — 11 -dän hem da saat 18 — dän saat 23 — dän bunu yapmaa. Bu vakıt diil lääzım kullanmaa elektrik tedarıklarını hem da çıkarmaa razetkadan o tedarlıkları, angıları kullanılmȇȇr.
«Şindi önemni esapçasına kullanmaa elektroenergiyayı, may halez pik saatlarda. Biz kahırlan nışannȇȇrız, ani çok kullanılȇr elektroenergiya. Çıkış buna olȇr o, ani elektroenergiyanın paasın büüyer birjada hem tellerin çalıştırmasının üüselmesi. Bu var nasıl getirsin kötü işlerä»,- çizgiledilär Premier Energy kampaniyasında.
Moldova devletin Hükümetin pres — sekretari Daniel Vodȇ annatı, ne için lääzım arttırmaa energoresursları. Biz başarılı bu kışı geçirecez, neçinki hükümet ileri dooru da yardım edecek fukarä yaşayannara, hem da neçinki bizim cümnä cevaplı. Herbirimiz bizdän isteer nekadar taa az harcamaa. Da biz bunu yapabileriz diil büük diişmeklerin yardımınnan bizim evlerdä, haberledi Hükümetin pres — sekretari.
«Bir sıra kolay işlär, ama büük ȇfektlan, var nasıl yardımcı olsunnar bizä arttırmaa elektroȇnergiyayı hem da paraları — sündürünüz şafkları o içerlerdä, neredä yok kimsey. Bu kolay. Erleştiriniz LED — lampaları, onnar taa zedä sürterlär , hem da iyerlär 75% taa az ȇlekrtroenergiya. Kullanınız termostat, erlim uyarsaydı bunu yapmaa, koyunuz temperaturayı diapazonda 18–20 gradus — bu var nasıl arttırsın harçları 30%. Bütünnä yuklediniz yıkamak maşınasını hem da bulaşık yıkamak maşınasını, bölä biz üseldecez ţiklıların sayısını. Kullanınız yıkamanın arttırmak programalarını da yapınız bunu gecä, açan taa az kullanılȇr , energiya sa taa ucuz. Çıkarınız tedarlıkları rozetkalardan, açan onnar kullanılmȇȇrlar. Onnar iyerlär energiyayı, açan onnar beklemäk rejımında»,- çizgiledi Vodȇ.
Gagauziya yaşayannarı nışannadılar, nicä onnar neetlenerlär arttırmaa elektroenergiyayı.
«Ölä olarsaydı, gecä savaşacez arttırmaa».
«Bizdä var buz dolapları, rubaları yıkamak makınası, nasos çalışȇr».
«Nicä arttırmaa? Lääzım olacek durgutmaa buz dolaplarını, hepsi bozulsun deyni?Her gün tazä satın almaa? Onnar için para lääzım».
«Mum satın alacez».
«Eеr bir saada kadar, ozaman bän taa annȇȇrım. Buz dolabı ozaman bu vakıt tutacek, ama erlim taa zeedäysäydi, ozaman bilmeerim, ne yapacez».
«Ama kimdä küçük uşak var, nicä yaşayaceklar, bän bilmeerim. Taa ileri söndürärdilär bir vakıdadan, şindi sa hiç annamȇȇrım. Çoyunda soba yok, uşaklar sa küçük var».
«Televizoru uymayacek siiretmää. Bendä kuhnä gazda, lääzım sa elektroenergiya.Bişey olmayacek kolaylık yapmaa».
«Canım acȇȇr bunun için, neçinki biz ölä da kıştan çıkamȇȇrız, bırada sa taa bu da».
Karar giriştirmää hatalı durumu ȇnergetika sferasında kabledildi MD Parlamentinnän da girdi kuvedä kıran ayın 16 — da. Hatalı durum uzanacek 60 gün.
